पोखरा । पोखरामा मोवाईल चोरी गर्ने एक जना पक्राउ परेका छन् ।

पक्राउ पर्नेमा स्याङजा बिरुवा गाउँपालिका– ८ आरुखर्क बस्ने वर्ष २३ को प्रेम गुरुङ रहेका प्रहरीले जनाएको छ ।

यही फागुन ६ गते पोखरा रंगशालामा फुटसल खेल्नका लागि चेन्जीङ रुममा कपडा चेन्ज गरी राखेको अबस्थमा चेन्जिङरुमबाट आइफोन मोबाइल तथा नगद चोरी भएको भन्ने जाहेरीको आधारमा प्रहरीले अनुसन्धान तथा खोजतलास सुरु गरेको थियो ।

गुरुङलाई जिल्ला प्रहरी कार्यालय स्याङजाको समन्वयमा ११ गते पक्राउ गरेको जिल्ला प्रहरी कार्यालय कास्कीले जनाएको छ ।

प्रहरीले गुरुङको शरीर तथा घरकोठा खानतलासी गर्दा चोरी भएका विभिन्न कम्पनीका १५ वटा मोबाइल, ४ वटा चार्जर र २ वटा ड्रोन क्यामेरासमेत बरामद गरेको छ ।

पक्राउ परेका गुरुङलाई कास्की जिल्ला अदालतबाट चोरी तथा डाँका सम्बन्धी मुद्दामा ७ दिन म्याद थप गरी अनुसन्धान प्रकृया अगाडी बढाइएको प्रहरीले जनाएको छ ।