म्याग्दी । म्याग्दी मालिका गाउँपालिका –१, निस्कोटका तुल्सी पुन मगर दक्षिण कोरियामा झुण्डिएको अवस्थामा मृत फेला परेका छन् ।

मोक्पो छल्लानाम्दो उल्सानस्थित छुकसान बङ्गुर फार्ममा कार्यरत पुन शनिबार राति साढे १ बजे फार्मनजिकै पुलमा झुण्डिएको अवस्थामा मृत फेला परेका हुन् ।

आत्महत्या वा हत्या भन्ने बारेमा थप छानबिन हुन बाँकी छ । मृतक तुल्सीका घटनाबारे कोरियास्थित नेपाली राजदुतावास, एनआरएनए, एमटियु, मोनालगायत नेपालीले चासो दिएका छन् । मृतक तुल्सीका परिवार, कोरियास्थित नेपाली राजदुतावास, एनआरएनए, एमटियु, मोनालगायत नेपालीले घटनाबारे गम्भीर अनुसन्धान गर्न र सङ्लग्न दोषीलाई कडा कारबाही गर्न त्यहाँको सरकारसँग माग गरेका छन् ।

साहुको अत्याचार र दुर्वव्यवहारका कारण आत्महत्या गरेको परिवार स्रोतको भनाइ छ । पुनका एक दाजु र एक बहिनी छन् । बुबाआमाको पहिले नै निधन भइसकेको छ । २८ वर्षीय तुल्सी गत असोजमा इपिएसमार्फत कोरिया गएका थिए ।