पोखरा । तनहुँको बन्दीपुर गाउँपालिका ६ का वडाध्यक्ष बलबहादुर गुरुङले वडा सचिव नविन भुषालमाथि कुटपिट गरेका छन् ।

बन्दीपुरका प्रमुख प्रशासकीय अधिकृत यादवराज आचार्यका अनुसार भलिबल प्रतियोगिताको भुक्तानीको विषयमा विवाद हुँदा वडाध्यक्ष गुरुङले वडा सचिवलाई कुटपिट गरेका हुन् ।

‘उहाँ नयाँ हुनुहुन्छ । भुक्तानीका लागि आवश्यक कागजात नदेखिएपछि प्रक्रिया अघि बढाउने भन्नुभएको थियो । त्यसपछि वडाध्यक्षले दबाब दिएर कार्यालयकै पोशाकमा हातपात गर्नुभयो,’ प्रशासकीय अधिकृत आचार्यले भने । यो घटना सोमबार बिहान १० बजेपछि भएको हो ।

कुटपिटबाट घाइते वडा सचिव भुषालको प्रारम्भिक उपचार बन्दीपुर अस्पतालमा गरिएको थियो । चिकित्सकले थप उपचारका लागि भरतपुर रिफर गरेका छन् । उनको गाला र घाँटीमा चोट लागेको बताइएको छ ।

वडाध्यक्षको आक्रमणबाट उम्किएपछि वडाध्यक्ष भुसालले प्रमुख प्रशासकीय अधिकृत आचार्यलाई फोन गरेर घटना विवरण बताएका थिए । अधिकृत आचार्यले गाडी पठाएर उनलाई बन्दीपुर अस्पतालमा ल्याइएको हो ।

घाँटी र गालामा निलडाम थियो भने त्योबेला वडासचिव भुसाल निकै आत्तिएका थिए । उनी केहीसमय अगाडिमात्रै बिरामी भएर औषधिसमेत खाइरहेका थिए । आफूमाथि आक्रमण भएपनि उनलाई श्वासप्रस्वासको समस्या भएको थियो । त्यसपछि उनलाई भरतपुर मेडिकल कलेजमा थप उपचारका लागि पठाइएको थियो ।

अघिल्लो महिना बिरामी भएका बिदा बसेर वडामा फर्किएर वडाध्यक्ष भलिबल कपको सञ्चालन उनैले गरेका थिए । तर, औषधि भने खाइरहेका थिए ।

गत असोज १३ गतेमात्र सहायक पाँचौंस्तरको नियुक्तिपत्र बुझेर १८ गते बन्दीपुर वडा नम्बर ६ मा पोस्टिङ भएका हुन् । आफू धेरै कुरा बुझ्ने क्रममै रहेको र पूर्ववडासचिव, प्रमुख प्रशासकीय अधिकृतलाईसमेत सोधेर काम गर्ने गरेको भुसालले बताए । सोमबार १० बजे नै वडासचिव भुसाल कार्यालयमा उपस्थित भएका थिए ।

योजनाअनुसारै आफूमाथि आमक्रण भएको भनाइ वडासचिवको छ । पालिकामा फाइल लैजाने र हिसाब मिलाउने सल्लाह वडाध्यक्षसँग सचिवको भएको थियो । केहीबेरमा वडाध्यक्ष आएर ‘तपाईं पालिकामा जाने कि नजाने ?’ भनेर वडाध्यक्षले सोधेको सचिव भुसालले सुनाए । ‘जाने हो तर स्टिमेट मिलाउनुपर्ने छ । परिणाम र दर मिलाउनुपर्छ । बिल मिलेको छैन भनेर मैले भनें,’ वडासचिव भुसालले घटनाविवरण सुनाए, ‘अनि त तैंले कमिसन खान खोजेको हो भनेर घाँटी ङ्याक्दै झ्याम कि झ्याम हान्न थाले । म थापिइरहें ।’

भुसालले करिब ३ मिनेटसम्म घाँटीमा समाउँदै हानेको सुनाए । ‘म किक्ली–किक्ली भइसकेको थिएँ, त्यसैले त घाँटीमा इन्फेक्सन छ । उनी त्यसपछि पनि हतियार लिएर आउँछु भनेर भागे, म पनि दौडिएर निस्किएँ र हाकिम साबलाई फोन गरें,’ वडासचिवले सुनाए ।

वडाध्यक्ष गुरुङले यसअघि पनि बारम्बार दु:ख दिइरहने भुसालले बताए । वडाध्यक्षले जे भन्यो त्यही काम गरिदियो भने खुसी र प्रक्रिया खोज्यो भने रिसाउने गर्ने गरेको सचिवको दाबी थियो ।

‘भलिबल सम्पन्न गरियो । साइनै नभएका बिलहरु थिए । सबै उहाँहरुले नै बनाउनुभयो र ल्याएर ल पास गरिदिनुस् भन्नुभएको थियो । खर्च भएको छ भने ल्याउनुस् त नि भनेकै थिएँ । उहाँले ल्याउनु भयो तर परिणाम र दर नै छैन । एकमुष्ट खाना, खाजा भनेर बिल ल्याइएको थियो,’ वडासचिव भुसालले भने, ‘यो बिल त मिलाउनुपर्छ अध्यक्षज्यू भनें, उहाँले यो चलिआएको चलन हो, पुरानै फर्म्याट हेरेर गरेको हो भन्दै जंगिनुभयो ।’

माइनुट पनि आफैं गरेर हस्ताक्षर गर्न ल्याइएको तर त्यहाँ आफ्नो उपस्थितिसमेत नरहेको उनले सुनाए ।

भुसालको स्वास्थ्यमा अहिले सुधार आएको छ । घाँटीमा इन्फेक्सन, गाला सुनिएको तर सुधार भइरहेकाले तनहुँ फर्किएर अरु प्रक्रिया बढाउने उनको भनाइ थियो ।

कुटपिट तथा अभद्र मुद्दामा किटानी जाहेरी दिने तयारी गरेको नवीनका दाजु निर्मलले जानकारी दिए । ज्यानैमार्ने प्रयाससहित आक्रमण भए पनि ज्यान मार्ने उद्योगमा मुद्दा दायर गर्न हतियारले हानेको निसान वा हतियार प्रहार भएको हुनुपर्ने एसपीले भनेको उनले बताए ।

वडाध्यक्ष गुरुङले यसअघि पनि बारम्बार दु:ख दिइरहने भुसालले बताए । वडाध्यक्षले जे भन्यो त्यही काम गरिदियो भने खुसी र प्रक्रिया खोज्यो भने रिसाउने गर्ने गरेको सचिवको दाबी थियो ।

‘भलिबल सम्पन्न गरियो । साइनै नभएका बिलहरु थिए । सबै उहाँहरुले नै बनाउनुभयो र ल्याएर ल पास गरिदिनुस् भन्नुभएको थियो । खर्च भएको छ भने ल्याउनुस् त नि भनेकै थिएँ । उहाँले ल्याउनु भयो तर परिणाम र दर नै छैन । एकमुष्ट खाना, खाजा भनेर बिल ल्याइएको थियो,’ वडासचिव भुसालले भने, ‘यो बिल त मिलाउनुपर्छ अध्यक्षज्यू भनें, उहाँले यो चलिआएको चलन हो, पुरानै फर्म्याट हेरेर गरेको हो भन्दै जंगिनुभयो ।’

माइनुट पनि आफैं गरेर हस्ताक्षर गर्न ल्याइएको तर त्यहाँ आफ्नो उपस्थितिसमेत नरहेको उनले सुनाए ।

भुसालको स्वास्थ्यमा अहिले सुधार आएको छ । घाँटीमा इन्फेक्सन, गाला सुनिएको तर सुधार भइरहेकाले तनहुँ फर्किएर अरु प्रक्रिया बढाउने उनको भनाइ थियो ।

कुटपिट तथा अभद्र मुद्दामा किटानी जाहेरी दिने तयारी गरेको नवीनका दाजु निर्मलले जानकारी दिए । ज्यानैमार्ने प्रयाससहित आक्रमण भए पनि ज्यान मार्ने उद्योगमा मुद्दा दायर गर्न हतियारले हानेको निसान वा हतियार प्रहार भएको हुनुपर्ने एसपीले भनेको उनले बताए ।

वडाध्यक्ष गुरुङ नेकपा एमालेका तर्फबाट निर्वाचित जनप्रतिनिधि हुन् ।