Photo: Drone View DetroKid
पोखरा वडा नं. ६ स्थित लेकसाइडमा मध्यराति मोटरसाइकल दुर्घटनामा परी पोखराका दुई युवकको मृत्यु भएको छ ।
गएराति १२ः५८ बजे भएको दुर्घटनामा परी गम्भिर घाइते भएका मोटरसाइकल चालक पोखरा २४ कास्कीकोटका २१ वर्षका सफल रानाभाट र पछाडि सवार पोखरा ८ सिमलचौरका सोहि उमेरका सुजल अधिकारीको उपचारकै क्रममा ज्यान गएको कास्की प्रहरीले जानकारी दिएको छ ।
जिल्ला प्रहरी कार्यालय कास्कीका सूचना अधिकारी प्रहरी निरीक्षक अविनाश दीप जिसीले गण्डकन्यूजलाई दिएको जानकारी अनुसार बैदाम, लेकसाइड स्ट्रीट नं. ३ बाट शहीदचोकतर्फ जाने क्रममा उनीहरु सवार ग १३ प ६७१९ नम्बरको मोटरसाइकल नियन्त्रण गुम्न पुग्दा सोलारको पोलमा ठोक्किएको थियो ।
Google Map
गम्भिर घाइते दुवै जनालाई तत्काल गण्डकी मेडिकल कलेज लगिएकोमा उपचारकै क्रममा सुजलको २ः१४ बजे र सफलको २ः१८ बजे ज्यान गएको प्रहरी निरीक्षक जिसीले जानकारी दिए । दुवै जनाको टाउकोमा गम्भिर चोट लागेको थियो ।
सम्पर्कमा आएका एक साथी (सुजल र सफलका) का अनुसार उनीहरु पोखरा नयाँबजार स्थित प्रदर्शनी केन्द्रमा भएको ‘ब्याक टु नाइन्टिज् कन्सर्ट’मा सहभागी भएर लेकसाइड पुगेका थिए ।
तीव्र गतिमा मोटरसाइकल गुडाउँदा अनियन्त्रित भएर सोलार पोलमा ठोक्किएको बुझिएको छ ।
सम्बन्धित खबर
सुर्खेतमा बस दुर्घटना हुँदा ३५ जना घाइते, ६ गम्भीर
ट्रकलाई ओभरट्याक गर्दा डुम्रीकोटमा मोटरसाइकल दुर्घटना: एकको मृत्यु
स्कुल बस दुर्घटना हुँदा आठ वर्षीय बालक र चालकको मृत्यु, ३९ जना घाइते
लेकसाइडमा मध्यराति मोटरसाइकल दुर्घटनाः पोखराका दुई युवकको मृत्यु
नारायणघाटबाट काठमाडौँ जाँदै गरेको माइक्रो धादिङमा दुर्घटना, ५ जना घाइते
जीप दुर्घटनामा परी आमाको मृत्यु, दुई छोरा घाइते
यो पनि पढौँ
लेकसाइडमा मध्यराति मोटरसाइकल दुर्घटनाः पोखराका दुई युवकको मृत्यु
स्कुल बस दुर्घटना हुँदा आठ वर्षीय बालक र चालकको मृत्यु, ३९ जना घाइते
पोखरामा कोटीहोम नगरी कुनै पनि हालतमा फर्किन्नः धर्मगुरु कृष्णमूर्ति
बागलुङमा १४० रोपनी झाडी फाँडेर ओखरखेती