पोखरा । निजी तथा आवासीय विद्यालय अर्गनाइजेसन नेपाल (प्याब्सन), कास्की अध्यक्षमा षडानन्द गौतम निर्वाचित भएका छन् ।

संस्थाको १९ औं जिल्ला अधिवेशनले बाल कल्याण स्कुलका संचालक तथा प्रिन्सिपल गौतमको अध्यक्षतामा नयाँ कार्यसमिति निर्वाचित गरेको हो ।

कार्यसमिति वरिष्ठ उपाध्यक्षमा विष्णुप्रसाद तिमिल्सिना, उपाध्यक्ष श्रीकृष्ण अधिकारी, सचिव सुरेन्द्रमानसिंह भण्डारी, कोषाध्यक्ष विधान गौतम, सहसचिव डिल्लीराम अर्याल र सहकोषाध्यक्ष नरेशप्रसाद बराल निर्वाचित भए ।

सदस्यमा कौशल्या गुरूङ, खिमबहादुर गुरूङ, डा. महेश्वर पराजुली, रेखा थापा कार्की र टीकाराम पौडेल छन् । कार्यसमिति ३ वर्षको हुनेछ ।

महाधिवेशन प्रतिनिधिमा डा. त्रिभुवन शर्मा, दिलीप शर्मा, दिनेश लामिछाने र लेखनाथ पराजुली चयन भए ।

प्याब्सन कास्की अध्यक्ष मथुराप्रसाद पौडेलको अध्यक्षतामा भएको कार्यक्रमको उद्घाटन पोखरा महानगरपालिकाका प्रमुख धनराज आचार्यले गरेका थिए । सो क्रममा उनले शिक्षाको गुणात्मक विकासमा निजी क्षेत्रको समेत सहयोग आवश्यक रहेको बताए ।