पोखरा । टाइगर ग्रुप अफ पोखरा नेपालको आयोजनामा हुने ‘पाँचौं टाइगर कप राष्ट्रिय तथा अन्तर्राष्ट्रिय आमन्त्रित खुला क्लब च्याम्पियनसिप महिला तथा पुरुष भलिबल प्रतियोगिता–२०८१ को संयोजकको जिम्मेवारी रामकृष्ण ज्ञवालीले पाएका छन् ।
टाइगर ग्रुप अफ पोखरा नेपालको बैठकले उनलाई संयोजकको जिम्मेवारी सुम्पिएको हो । संयोजकको जिम्मेवारी पाएका ज्ञवाली समाधान दैनिकका प्रधान सम्पादक हुन् ।
उनी टाइगर ग्रुप अफ पोखरा नेपालको संस्थापक कार्यसमिति सदस्य हुन् । उनी नेपाल पत्रकार महासंघ कास्कीको अध्यक्ष समेत रहिसकेका छन् । चौथो संस्करणको प्रतियोगिताको संयोजकमा दीपक कार्की थिए ।
एनसेलले मुख्य प्रायोजन गर्ने
एनसेलले टाइगर कपलाई यस वर्षदेखि मुख्य प्रायोजन गर्ने भएको छ ।टाइगर ग्रुप अफ पोखरा नेपालका अध्यक्ष नारायणप्रसाद शर्मा पौडेल र एनसेलका प्रतिनिधिले सम्झौतापत्रमा हस्ताक्षर गरेका हुन् ।
एनसेल मुख्य प्रायोजक बन्ने सम्झौता पत्रमा एनसेलको प्रायोजनपछि प्रतियोगिताको नाम ‘एनसेल पाँचौं टाइगर कप राष्ट्रिय तथा अन्तर्राष्ट्रिय आमन्त्रित खुला क्लब च्याम्पियनसिप महिला तथा पुरुष भलिबल प्रतियोगिता–२०८१’ भएको छ ।
टाइगर कपको पाँचौ सस्करण माघ १२ गतेदेखि १९ गतेसम्म पोखरा रंगशालामा हुँदैछ । प्रतियोगितामा नेपाल र विदेशका गरी १२ टिमको सहभागिता रहनेछ । पुरुषका ६ र महिलाका ६ टिमबीच प्रतिस्पर्धा हुने खेल लिग कम नक आउटका आधारमा खेलाइनेछ ।
प्रतियोगिता विजेता महिला÷पुरुषतर्फका टिमहरुलाई समान रशिको पुरस्कार व्यवस्था गरेका गरिएको छ । यस पटक पुरस्कार राशिमा वृद्धि गरिएको क्लबका सचिव डिबी नेपालीले जानकारी दिए । यो वर्ष गरी प्रथम हुनेलाई ५ लाख ८५ हजार ५सय ५५, द्वितीयलाई २ लाख ८५ हजार ५ सय ५५ र तीतृयलाई १ लाख ८५ हजार ५ सय ५५ रुपैयाँ प्रदान गरिनेछ ।
सर्वोत्कृष्ट हुने खेलाडीलाई नगद २५ हजार रुपैयाँसहित सिल्ड, मेडल र प्रमाण– पत्र प्रदान गरिने छ । साथै, विधागततर्फ विजेता खेलाडीलाई एक्सटेप फेसनको जुत्ता उपहारको व्यवस्था गरेका छौं ।
प्रत्येक म्याचमा टाइगर अफ दि म्याच हुन सफल खेलाडीलाई केल्मी नेपालको तर्फबाट एक थान सोभिनियर भलिवल प्रदान गरिने सचिव नेपालीले बताए । यस वर्ष प्रत्येक दिन टिकट काटी प्रवेश गर्ने भाग्यशाली दर्शकलाई एक्सटेप फेसन नेपालको तर्फबाट एक थान टिसर्ट प्रदान गरिने क्बलले जनाएको छ ।
सम्बन्धित खबर
ल्वाङगाउँमा ३१ औं चैत्र दशैं मेला सुरु, आजदेखि खेल सञ्चालन हुने
केपी ओली टी–२० क्रिकेट जारीः काठमाडौं र हेटौडाको जित
पोखरा २० भलाममा छात्र/छात्रा ५ र ३ किमि दौड चैत्र २९ गते हुँदै
ल्वाङगाउँमा ३१ औं चैत्र दशैं मेला हुने, भलिबलको उपाधि राशी १ लाख १० हजार
चैत २९ देखि प्रथम एलिट भलिबल कप हुँदै, बचत रकम खेलाडी उत्पादनमा खर्चिने
आजबाट केपी ओली कप: पहिलो खेलमा पोखरा महानगरपालिका र स्याङ्जा भिड्दै
यो पनि पढौँ
३५ मिनेट वान टु वान भेटपछि मोदीले नेपाली भाषामा र ओलीले हिन्दी भाषामा के लेखे ?
आँधीखोला गाउँपालिकामा शुक्रबार शोक बिदा
कास्कीमा हिमपहिरोमा हराइरहेका चिनियाँ नागरिकको शव फेला
पोखरा अन्तर्राष्ट्रिय विमानस्थल निर्माणमा अर्बौं भ्रष्टाचार भएको संसदीय छानबिनको ठहर