पोखरा । पहिलो संस्करणको भिन्तुना एमेच्योर फुटसल प्रतियोगिता पुस अन्तिम साता हुने भएको छ। भिन्तुना युवा क्लब, तेर्सापट्टि, पोखरा–३ को आयोजनामा हुने यो प्रतियोगिता आगामी पुस २६ र २७ गते हुने भएको हो।

स्पोट्र्स क्यासल गैरापाटन पोखरा –४ मा हुने खेलमा सहभागि टिमलाई टिम दर्ताको लागि ६ हजार शुल्क तोकिएको अर्थ संयोजक राजन श्रेष्ठले जानकारी दिए ।

श्रेष्ठका अनुसार प्रतियोगिताको विजेताले एक लाख ११ हजार १११ रुपौँया, उपिवजेता हुने टोलीले ५५ हजार ५५५ रुपौँयासिहत ट्रफी, मेडल प्रमाणपत्र पाउने छन् ।

यस्तै, प्रतियोगितामा विधा तर्फ उत्कृष्ट खेलाडी, उत्कृष्ट गोलकिपर, सर्वाधिक गोलकर्ता, उत्कृष्ट डिफेन्डरले सामान ५ हजार पाउने छन् भने फेयर प्ले टिमले पनि ५ हजार पाउने भएका छन्। प्रतियोगितामा क्वाटरफाइनलपछि हरेक खेलको म्यान अफ दि म्याचलाई एक हजारसहित ट्रफी प्रदान गरिने आयोजकले जनाएको छ।