भीरकोट नगरपालिका -१ बयरघारी स्थित भीरकोट खेलमैदान नजिकै भुसाल इन्टरप्राइजेज प्रालिको नाममा रहेको क्रसरमा लगाइएको शिलबन्दी खुलाइएको छ ।
गत १ असारमा जिल्ला प्रशासन कार्यालय स्याङ्जाले उक्त क्रसर शिलबन्दी गरेको थियो । भुसाल इन्टरप्राइजेजको नाममा दर्ता भएतापनी क्रसर सम्बन्धी कार्यमा अनुमती नलिएको/दर्ता नभएको पाइएको भन्दै गत असार महिनामा क्रसरलाई शिलबन्दी गरिएको थियो ।
शुक्रबार मात्रै क्रसरमा लगाइएको शिलबन्दी खुलाइएको छ । भीरकोटमा संचालित शहरी विकास मन्त्रालयको एक आयोजनाका लागि भनेर २० महिनासम्म निर्माण सामाग्री उपलब्ध गराउने गरि अस्थायी अनुमती दिँदै शिलबन्दी खुलाइएको सहायक प्रजिअ दीपक पौडेलले जानकारी दिए ।
संघीय शहरी विकास तथा भवन विकास कार्यालय पोखराको गत असार ६ गते सम्झौता भएको योजनाको लागि निर्माण सामाग्री आवश्यक भएकोले इन्जिनियर अच्युत पौडेलले सहजीकरणको लागि यहि पुस ४ गते नगरपालिकालाई सिफारिस गरेका थिए । योजनाको लागि दुई हजार ३०५ घनमिटर ढुङ्गाको काम, १४१ घनमिटर आरसीसी काम, दुई हजार ४३ घनमिटर बेस र तीन हजार १८० घनमिटर सब बेसको लागि सामाग्री आवश्यक रहेको इन्जिनियर पौडेलले बताए ।
सोही पत्रको आधारमा प्रशासन र नगरपालिकाले उक्त क्रसरलाई २० महिनाको लागि मात्र अस्थायी अनुमती दिएर शिलबन्दी खुलाइएको सहायक प्रजिअ पौडेलले बताए । सहायक प्रजिअ पौडेलले यदि क्रसरबाट ठेक्काको कामबाहेक अन्यत्र ठाउँमा सामाग्री बिक्रीवितरण गरेको पाइएमा फेरि शिलबन्दी र कारबाही गरिने बताए ।
This will close in 4 seconds
सम्बन्धित खबर
हराउँदै गयो गुन्द्री बुन्ने चलन
७ औं स्याङ्जा महोत्सवको सचिवालय उद्घाटन
भीरकोटको क्रसरमा लगाइएको शिलबन्दी खुलाइयो
गण्डकी प्रदेश र कोइकाबीच सम्झौता, मुख्यमन्त्रीद्वारा फेदीखोलामा प्रतिष्ठान भवनको शिलान्यास
पत्रकार महासंघ स्याङ्जाको पदभार ग्रहण तथा पदस्थापन
विपन्न परिवारलाई छिमेकी प्रतिष्ठानको न्यानो माया
यो पनि पढौँ
चर्को आलोचना भएपछि एनसेलले सुटुक्क पहिले जस्तै बनायो रिचार्जको म्याद
जोमसोममा झोलुङ्गे पुलबाट खसेर पोखराका युवकको मृत्यु
हराएको एक हप्तापछि जंगलमा मृत भेटिए किशोरकिशोरी
पर्वतमा ग्यास चुहिएर आगलागी हुँदा बृद्धाको मृत्यु