स्याङ्जाको भीरकोट नगरपालिका -६ निवासी नारायण प्रसाद कोइरालाले आफ्नो जन्मदिनको अवसर पारेर आफूले अध्यापन गराउने विद्यालयमा अक्षयकोष स्थापना गरेका छन् ।
कोइरालाले आफ्नो ३७ औं जन्मदिनको अवसर पारेर भीरकोट नगरपालिका -८ स्थित पब्लिक एकेडेमी माध्यमिक विद्यालयमा आफ्ना स्वर्गीय हजुरबुबा एकनारायण कोइराला र स्वर्गीय हजुरआमा विन्द्राकुमारी कोइरालाको स्मृतिमा ‘एकनारायण विन्द्रा अक्षयकोष’ स्थापना गरेका हुन् ।
पब्लिक एकेडेमी माविका अध्यापक कोइरालाले विद्यालयमा अध्ययनरत विद्यार्थीको हौसला बढाउने उद्देश्यका साथ ५५ हजार पाँच सय ५५ रुपियाँ बराबरको अक्षयकोष स्थापना गरेका हुन् ।
अक्षयकोष स्थापना गर्दै अध्यापक कोइरालाले उक्त कोषबाट प्राप्त हुने ब्याजले विद्यालयमा अध्ययनरत विद्यार्थीहरुमध्ये कक्षा -१० (एस.ई.ई) परिक्षामा ३.२ भन्दा बढी जिपिए ल्याई उत्तीर्ण हुने विद्यार्थीलाई छात्रवृत्तिको सुविधा उपलब्ध गराउने बताए ।
आफ्नो जन्मदिनलाई तडकभडकका रुपमा फजुल खर्च गरेर मनाउनुभन्दा आफूले नै अध्यापन गराउने विद्यालयमा अक्षयकोष स्थापना गर्न पाउँदा निकै खुसी लागेको अध्यापक कोइरालाले बताए ।
अध्यापक कोइरालाले अक्षयकोषको रकमको चेक विद्यालयकी प्रधानाध्यापक देवकी रेग्मीलाई हस्तान्तरण गरेका छन् । उनले यसअघि पनि भीरकोटमा आफूले अध्ययन गरेको भाग्योदय मावि र अध्यापन गराएको बालोदय आवासीय माविमा समेत अक्षयकोष स्थापना गरिसकेका छन् ।
सम्बन्धित खबर
बोलेरो जीप दुर्घटना, ३०० कुखुरा मरे
आगलागीबाट तीन लाख बराबरको क्षति
बस र ट्याक्टर एकापसमा ठोक्किँदा एकजना घाइते
स्याङ्जा कारागारका कैदीबन्दीको नि: शुल्क आँखा परीक्षण
स्याङ्जामा अवैध सामान बरामद, तीनजना पक्राउ
आँधीखोलामा सर्पदंश प्राथमिक उपचार केन्द्र स्थापना
यो पनि पढौँ
पोखरामा रेस्टुरेन्टमा खाएर डिएसपी हूँ भन्दै पैसा नतिर्ने बाग्लुङका पौडेल पक्राउ
कश्मीरमा मारिएका नेपालीको पहिचान खुल्यो, बुटवलका २७ वर्षीय सुदीप न्यौपाने
पोखराको फिर्के पुल निर्माण ठेक्का तोड्यो सडक विभागले
भीमाद नगरपालिकाका प्रथम मेयर थापाको निधन