पोखरा महानगरपालिका वडा नं. १५, नयाँगाउँमा अवस्थित आईएसएमटी कलेज पोखराले आयोजना गरेको फुटसल प्रतियोगितामा टीम हसिना च्याम्पियन बनेको छ ।

कलेजका कुल ६ टीम सहभागी प्रतियोगितामा टीम हसिनाले टीम अलस्टारलाई पेनाल्टी सुटआउटमा पराजित गर्दै उपाधिसहित नगद १० हजार, शिल्ड, मेडल र प्रमाणपत्र हात पारेको छ ।

प्रतियोगितामा टीम समय युनाइटेड, टीम हवाहवाई, टीम रास्ताफारे समूह एक अन्तर्गत थिए । यस्तै, समूह बी मा टीम अलस्टार, टीम हसिना र बीएचएम ग्रुप थिए ।

आइएसएमटी कलेज पोखरा बेलायतको प्रख्यात शैक्षिक संस्था युनिर्भसिटी अफ सन्डरल्याण्डबाट सम्बन्धन प्राप्त शिक्षण संस्था हो ।

आइएसएमटी ग्रुप अन्तर्गत नेपालका प्रमुख शहरहरु पोखरा लगायत काठमाडौँ, चितवन, विराटनगर र बुटवलमा पनि कलेजहरु सञ्चालनमा रहेका छन् ।

कलेजप्रति विद्यार्थीको आकर्षण बढ्दो छ । नेपालमा अन्तर्राष्ट्रिय मान्यता प्राप्त गुणस्तरीय शिक्षाको सपना साकार पार्ने कार्यमा आइएसएमटी कलेज पोखरा प्रतिबद्ध रहेको कलेजले जनाएको छ ।