पोखरा । गृह मन्त्रालयले नेपाल प्रहरीका १० डिआइजीको सरुवा गरेको छ । डिआइजीको बढुवा र अवकाशका कारण खाली भएका ठाउँमा सरुवा भएको हो ।

प्रहरी प्रधान कार्यालयका अनुसार गण्डकी प्रमुख दुर्गा सिंहले प्रहरी प्रधान कार्यालय प्रदेश समन्वय विभागको जिम्मेवारी पाएकफ छन् । तर उनको ठाउँमा गण्डकीमा कसैलाई पनि पठाइएको छैन । लुम्बिनीका कुवेर कठायत प्रहरी प्रधान कार्यालय महानिरीक्षकको सचिवालयमा गएका छन् ।

सुदूरपश्चिमका रविन्द्र केसी प्रहरी प्रधान कार्यालय अन्वेषण विकास तथा विकास निर्देशनालय, कोशीका चन्द्र कुवेर खापुङ केन्द्री अनुसन्धान ब्युरोमा सरुवा भएका छन् ।

जनक भट्टराई कर्णालीको प्रहरी प्रमुखमा सरुवा हुँदा लालमणि आचार्य मधेश प्रदेशको जिम्मेवारी पाएका छन् ।

अर्जुनचन्द ठकुरी केन्द्रीय अनुसन्धान विभागमा, दानबहादुर कार्की लुम्बिनी प्रदेशमा, डा मनोज कुमार केसी प्रहरी प्रशिक्षण प्रतिष्ठान र राजन अधिकारी कोशी प्रदेशमा सरुवा भएका छन् ।