काठमाडौँ । नेपाल प्रिमियर लिग (एनपीएल) क्रिकेटको दोस्रो खेलमा चितवन राइनोज विजयी भएको छ ।

कीर्तिपुरस्थित त्रिवि क्रिकेट मैदानमा सोमबार भएको खेलमा चितवनले काठमाडौँ गुर्खाजलाई ५ विकेटले हराएको हो ।

काठमाडौँले दिएको १११ रनको लक्ष्य चितवनले १७.१ ओभरमा ५ विकेट गुमाउँदै पूरा गर्यो ।

चितवनका सन्तोष कार्कीले २८ रन बनाउँदा लुक बेन्केनस्टाइनले २२ रन जोडे । यस्तै, हसन इसाखिलले १२ रन जोडेका छन् ।

काठमाडौँका शाहब आलमले तीन विकेट लिए । यस्तै गेहरार्ड इरस्मस र डान डौथवेटले १/१ विकेट लिए ।

यसअघि टस हारेर ब्याटिङ थालेको काठमाडौँले २० ओभरमा ९ विकेट गुमाउँदै १११ रन बनाएको थियो ।

काठमाडौँका लागि सुमित महर्जनले २९ रन जोड्दा माइकल लेभिटले २५ रनको योगदान गरे । शंकर रानाले १६ रन, डेन डउथवेटले १९ रन जोडे ।
चितवनका सोहेल तानबिरले ५ विकेट लिए । यस्तै रिजन ढकाल, कुशल मल्ल, अमर राउटेला र लुक बेनकेन्स्टाइनले १/१ विकेट लिए ।