काठमाडाैं । नेकपा एमालेका महासचिव शंकर पाेखरेलले काठमाडाैं महानगरपालिकाका मेयर बालेन्द्र शाह बालेन एमाले विरुद्ध परिचालित भएकाे प्रष्ट भएकाे बताउनुभएकाे छ ।
शुक्रबार एमालेले दरबारमार्गमा आयाेजना गरेकाे जागरण सभापछि सार्वजनिक गरिएकाे जरिवाना पर्चाबाट शाह एमाले विरुद्ध परिचालित भएकाे प्रष्ट भएकाे महासचिव शंकर पाेखरेलले सामाजिक सञ्जाल फेसबुकमा उल्लेख गरेका छन् ।
कार्यक्रम समापन भएपछि आयाेजककाे तर्फबाट फाेहाेर संकलन गरिएकाे र संकलित फाेहाेर लिन महानगरकाे गाडी बाेलाउने काम जारी रहेकै बेला बालेनले जरिवाना पत्र काटेकाे उनले उल्लेख गरे ।
संकलन गरिएको भएको फोहर उठाउनका लागि गाडी पठाउन गरिएकाे अनुरोधलाई स्विकार गरेर सहयोग गर्नुको साटो कार्यक्रम नसकिँदै जरिवाना गरी मेयर शाहकाे निर्देशनमा कुप्रचार गर्ने काम भएकाे महासचिव पाेखरेलले उल्लेख गरेका छन् ।
मेयर शाहकाे ध्यान एमालेले गरिरहेकाे सरसफाईमा नभइ जरिवानाको स्टण्टवाजीमा रहेकाे पनि उनले बताए । महासचिव पाेखरेलले लेखेका छन् – ‘काठमाडाैं महानगरका मेयर बालेन एमालेका विरुद्ध परिचालित छन् भन्ने कुरा आजको सभा पछि सार्वजनिक गरिएको जरिवाना पर्चावाट बुझ्न सकिन्छ, कार्यक्रम समापन भएपछि त्यहाँको सरसफाई आयोजकका तर्फबाटै भइरहेको थियो, संकलन गरिएको भएको फोहर उठाउनका लागि महानगरलाई गाडी पठाइदिन अनुरोध गरिएको थियो, अनुरोधलाई स्विकार गरेर सहयोग गर्नुको साटो फोहर गरेको भनेर जरिवानाको प्रचार गरियो मेयरको निर्देशनमा जतिबेला महानगरका नाममा जरिवाना पर्चा सार्वजनिक गरियो त्यतिबेला स्वयम् सेवकहरु कार्यक्रम थलोमै फोहर संकलन गरेर गाडीमा राख्दै थिए, मंच र मंचमा प्रयोग गरिएका सामाग्री हटाउने काम सगसंगै जारी नै थियो, तर पनि मेयरको ध्यान सरसफाईमा होइन जरिवानाको स्टण्टवाजीमा थियो, जुन समय अगावै सार्वजनिक गरियो ।’
एमाले आफ्नो कार्यक्रमपछि कार्यक्रम स्थल सफा गर्दछ भन्ने कुरा बालेनलाई हेक्का नभएकाे उनले उल्लेख गरे । जागरणसभा यस प्रकारका स्टण्टवाजी गर्नेहरुलाई सचेत बनाउनका लागि पनि भएकाे महासचिव पाेखरेलकाे भनाइ छ ।
सम्बन्धित खबर
जनताको आवश्यकता अनुसार प्रदेश संख्या घटबढ गर्न सकिन्छः प्रधानमन्त्री ओली
चैत ५ गते हुने स्ववियु चुनावको कार्यतालिका सार्वजनिक
बालेनको ट्रम्पलाई जवाफ– ‘हाम्रो देश तपाईंको भन्दा राम्रो छ भनेर महसुस गराएकोमा धन्यवाद’
कक्षा ११ र १२ को पुराना आंशिक तथा ग्रेडवृद्धि परीक्षाको समय तालिका सार्वजनिक
धादिङबाट जन्ती पुर्याएर फर्किएको बस काभ्रेमा दुर्घटनाः एक जनाको मृत्यु, चालक गम्भीर
देशका केही स्थानमा वर्षा र हिमपातको सम्भावना
यो पनि पढौँ
पोखरामा जीपको ठक्करबाट आमाको मृत्यु, छोरा गम्भीर घाइते
कुम्भ मेलाबाट फर्किँदै गर्दा नेपाली सवार गाडी दुर्घटना, रुपन्देहीका ३ जनाको मृत्यु
पर्वतमा जीप दुर्घटना हुँदा एक जनाको मृत्यु, चालक गम्भीर
शानदार मःम पसलमा ग्यास विस्फोटः थप एकजनाको मृत्यु, मृतकको संख्या ४ पुग्यो