नेकपा एमालेले स्थानीय तहमा ४२ जना उम्मेदवार उठाएको छ। मंसिर १६ गते हुने स्थानीय तहको उपनिर्वाचनमा एमालेका तर्फबाट पालिका प्रमुख, उपप्रमुख र वडाअध्यक्ष गरी ४२ जनालाई स्थानीय तहमा उम्मेदवार बनाएको हो।
पार्टीले काठमाडौंको कीर्तिपुर नगरपालिकाको मेयरमा नेकपा एमालेका डा. सुरेन्द्र मानन्धरलाई उठाएको छ। आफ्नो विरासत जोगाउनुपर्ने भएकाले उपनिर्वाचनमा सबैभन्दा सकस कांग्रेस र माओवादी केन्द्रलाई देखिएको छ। एमालेले जितेको ९ वडामा मात्र उपचुनाव हुँदैछ।
निर्वाचन आयोगले आइतबार प्रकाशन गरेको विज्ञप्ति अनुसार साँझ ५ बजेसम्म ४ सय ७ जनाले सम्बन्धित निर्वाचन अधिकृतको कार्यालयमा मनोनयन पत्र दर्ता गरेका हुन्। कैलाली जिल्ला समन्वय समितिको प्रमुखमा २ जना महिला र ओखलढुंगा जिल्ला समन्वय समितिको प्रमुखमा १ जना पुरुष उम्मेदवारको मनोनयन पत्र दर्ता भएको छ।
यसैगरी, गाउँपालिका अध्यक्ष र उपाध्यक्ष तथा नगरपालिकाका प्रमुख र उपप्रमुखमा रिक्त ८ पदका लागि ३५ महिला, ४८ पुरुष र १ अन्य गरी जम्मा ८४ जना उम्मेदवारको मनोनयन पत्र दर्ता भएको छ।
साथै, गाउँपालिका र नगरपालिकाका वडा अध्यक्षको रिक्त ३४ पदका लागि २९ महिला, २९३ पुरुष र अन्य १ गरी जम्मा ३२३ जनाको मनोनयन पत्र दर्ता भएको छ।
उम्मेदवारको मनोनयन पत्र दर्ता भएका मध्ये सबैभन्दा धेरै धनुषाको धनुषाधाम नगरपालिका-१ को वडाध्यक्ष पदमा २१ जना र सबैभन्दा कम रुकुम (पूर्वी भाग)को पुथा उत्तरगंगा गाउँपालिका-२ को वडाध्यक्ष पद र बझाङको सुर्मा गाउँपालिका-४ को वडाध्यक्ष पदमा ३/३ जना उम्मेदवारको मनोनयनपत्र दर्ता भएको छ।
यी हुन् एमालेका उम्मेदवार
This will close in 4 seconds
सम्बन्धित खबर
पोखरा वडा नं. १५ मा तेस्रो बृहत् खेलकुद महोत्सव सम्पन्न
पाकिस्तानका पूर्व प्रधानमन्त्री खान भ्रष्टाचार मुद्दामा दोषी ठहर, १४ वर्ष जेल
पोखरामा पुराना सवारीसाधनले लाइसेन्स ट्रायल दिनुपर्दा धेरै असफल भएपछि नयाँ व्यवस्था
कांग्रेसको निष्कर्ष: एमालेसँग कुनै समस्या छैन, सरकार चलाउन कुनै अफ्ठेरो छैन
पोखरा १५ बृहत् खेलकुद महोत्सवः फुटबल, भलिबल, ब्याडमिन्टनका खेलहरू जारी
पोखरा वडा नं. १५ मा तेस्रो बृहत् खेलकुद महोत्सव सुरू
यो पनि पढौँ
स्याङ्जाका निरजलाई आठौं पटक ठेलोको उपाधि
देवघाटमा माघे सङ्क्रान्ति मेला सुरु
पर्वतको कुश्मामा कपास उद्योगमा आगलागी
पोखराको ढुंगेसाँघु मेला निरन्तर