रवि लामिछानेलाई बुटवल लैजान ढिलाई

गण्डक न्यूज मङ्गलबार, २७ कार्तिक २०८१

२७ कार्तिक २०८१

पोखराबाट भैरहवा जहाज उड्न ढिलाइ भएको छ । खराब मौसमका कारण भैरहवा विमानस्थल मंगलबार खुल्न सकेको छैन ।

सहकारी ठगी र संगठित अपराध कसुरमा पक्राउ परेका राष्ट्रिय स्वतन्त्र पार्टी (रास्वपा)का सभापति रवि लामिछानेलाई बुटवल लैजाने तयारी भए पनि जहाज उड्न ढिलाइ भएको हो ।

विमानस्थलकारअनुसार भिजिबिलिटी नहुँदा जहाज उड्न सकेको छैन । ‘उहाँ (रवि लामिछाने)सहित यात्रुहरूलाई जहाजभित्र राखिसकिएको छ,’ विमानस्थलले भन्यो, ‘भिजिबिलिटी नहुँदा जहाज उड्न सकेको छैन ।’

काठमाडौँबाट भैरहवा उडेको विमान पनि पोखरामा अवतरण

काठमाडौँबाट भैरहवातर्फ प्रस्थान गरेको बुद्ध एयरको विमान समेत खराब मौसमका कारण पोखरा ‘डाइभर्ट’ भएको छ ।

९ एन–एएनपी विमान भैरहवाको आकाशमा तीन फन्को मारेर अनुकूल मौसमको प्रतीक्षामा रहे पनि तत्काल मौसम खुल्ने सम्भावना नभएपछि पोखरातर्फ ‘डाइभर्ट’ भएको हो ।