पोखरा । गण्डकी प्रदेशकी कृषि, भूमि व्यवस्था तथा सहकारी मन्त्री पद्मा जिसी श्रेष्ठले स्वदेशी उत्पादन प्रयोगमा जोड दिन आग्रह गरेकी छन् ।
स्वदेशी उत्पादनको प्रयोगले व्यवसायी, उद्योगी, श्रमजीविसँगै देशको अर्थतन्त्रलाई समेत उत्साह दिने भएकाले उपलब्ध भएसम्म स्वदेशमै उत्पादित सामग्री प्रयोग गर्न उनले जोड दिइन्।
सोमबारदेखि पोखरामा सुरु भएको आठौँ गोदावरी पुष्प प्रदर्शनी तथा पाचौँ गण्डकी प्रादेशिक पुष्प मेला २०८१ को उद्घाटन गर्दै मन्त्री श्रेष्ठले भनिन्, ‘उपलब्ध भएसम्म हामीले अब स्वदेशी उत्पादन प्रयोगमा जोड दिनुपर्छ, यसले उत्पादनमा जोडिनुहुनेलाई उत्साह त मिल्छ नै, सँगै देशको अर्थतन्त्रलाई पनि टेवा पुर्याउँछ ।’
नजिकिँदै गरेको फूलसमेतको पर्व तिहारमा पनि देशमा उत्पादीत फूलको प्रयोग गर्न उनको सुझाव छ ।
‘देशको उत्पादनले मात्रै फूलको माग धान्न सक्ने अवस्था अहिले छैन, केही समय अघिको वर्षाले पनि यसको खेतीमा असर गरेको छ, तर मिलेसम्म, उपलब्ध भएसम्म तिहारमा देशमै फूलेका फूलले शुभकामना र आशिष दिऔँ’, मन्त्री श्रेष्ठले भनिन् ।
पोखराको नयाँबजारस्थित प्रदर्शनी केन्द्रमा सुरु भएको प्रदर्शनी तथा मेला कात्तिक १६ गतेसम्म सञ्चालन हुनेछ ।
सम्बन्धित खबर
तिहारमा स्वदेशमा उत्पादित फूलमात्र प्रयोग गरौँ: कृषिमन्त्री श्रेष्ठ
बागलुङमा ५६ हजार ‘मेट्रिकटन’ आलु उत्पादन
आँबुखैरेनीका महिला सयपत्री उत्पादनमा
बोटमा लटरम्म सुन्तला, रोग लागेपछि किसान चिन्तित
म्याग्दीमा अकबरे खुर्सानीको व्यवसायिक खेती
पर्वतको पैयुँ गाउँपालिकाले कोदो उत्पादक किसानलाई अनुदान दिने
यो पनि पढौँ
मानुङकोट घुम्न गएका पोखराका १३ युवाको समूहमाथि खुकुरी आक्रमण र लुटपाट गर्ने ५ पक्राउ
आँधीखोलामा दुई मोटरसाइकल ठक्कर खाँदा एकजना घाइते
दुई वटा हल्का विमान आपसमा ठोकिँदा ३ जनाको मृत्यु
काठमाडाैंदेखि पाेखरासम्म अर्जुनको दाैड