रवि लामिछानेको हिरासत बसाई लम्बिने सक्ने

म्याद थप्न आज अदालत लगिने

गण्डक न्यूज बिहिबार, ८ कार्तिक २०८१

८ कार्तिक २०८१

किर्ते, सहकारी ठगी र संगठित अपराधको अभियोगमा कास्की प्रहरी हिरासतमा रहेका राष्ट्रिय स्वतन्त्र पार्टीका सभापति रवि लामिछानेको हिरासत बसाई लम्बिने भएको छ ।

गत शुक्रबार पक्राउ परेका लामिछानेलाई हिरासतमा राख्न जिल्ला अदालत कास्कीले ६ दिनको म्याद दिएको थियो । गए राति १२ बजेदेखि उनको म्याद सकिएको छ ।

आज सरकारी वकिलले अनुसन्धान नसकिएको भन्दै थप म्याद दिनका लागि अदालतको अनुमति माग्ने छन् । माग वमोजिम अदालतले म्याद थपिदिने प्रचलन नै भएकाले म्याद थपिने प्राय निश्चित नै छ ।प्रहरीले बयान र अभियोगपत्र जिल्ला सरकारी वकिल कार्यालयलाई नबुझाएसम्म म्याद थपको प्रक्रिया चलिरहन्छ ।