स्याङ्जाको भीरकोट नगरपालिकामा वृहत् योग शिविर सञ्चालन हुने भएको छ । शिविर भीरकोट खेलमैदानमा कार्तिक ९ देखि १३ गतेसम्म बिहान ५ देखि ७ बजेसम्म सञ्चालन हुनेछ । उक्त शिविरमा बालबालिका, युवा तथा जेष्ठ नागरिक सबै सहभागी हुन पाउनेछन् ।
भीरकोट नगरपालिका -१ को खेलमैदानमा संचालन हुने योग शिविरका लागि निवर्तमान नगर प्रमुख छायाराम खनालको संयोजकत्वमा ३९ सदस्यीय बृहत् योग शिविर व्यवस्थापन समिती गठन गरिएको छ ।
शारीरिक श्रम कम गर्नेहरूका लागि योग अत्यावश्यक भएको उल्लेख गर्दै संयोजक छायाराम खनालले नगरवासीलाई शिविरमा सहभागिता जनाउन अनुरोध गरेका छन् ।
पतञ्जली योगपिठ नेपालको संयोजन तथा पालिकाको आर्थिक सहयोगमा “योग गरौं, स्वस्थ रहौं” भन्ने मूल नारासहित संचालन हुने उक्त शिविरमा तीनदेखि चार लाख रुपियाँ खर्च हुने अनुमान गरिएको छ ।
नगर प्रमुख गोविन्द कुमार कर्माचार्यले नगरका नागरिकको स्वास्थ्य सुधारका लागि शिविरको आयोजना गरिएको बताउँदै भविष्यमा वडास्तरीय शिविर तथा विद्यालयहरूमा योग शिक्षा लागू गर्ने योजना रहेको जानकारी दिए ।
शिविरमा स्वास्थ्य लाभ लिन सहभागीहरुलाई पतञ्जली योगपिठ नेपालको संयोजक साध्वी देवादितिले प्रशिक्षण दिनेछिन् ।
सम्बन्धित खबर
भीरकोटमा वृहत् योग शिविर हुने
पोषणविद्को सुझाव : दसैं भन्दैमा धेरै नखाऔं, चिल्लो पिरो कम गरौं
बिरामी बनाउन सक्छ दसैंको खानपानले, मासुसँगसँगै फलफूल उपयोगी
जनैपूर्णिमामा क्वाँटी किन खाने ? यस्ता छन् फाइदा
पोखराको काहूँमा तीन दिने अन्तर्राष्ट्रिय योग महोत्सव सम्पन्न
पोखरामा पहिलोपटक इन्टरनेशनल योगा फेस्टिवल
यो पनि पढौँ
पोखराको हेम्जामा यात्रु चढाइरहेको बसलाई टिप्परले ठक्कर दियो
छोरा जन्मिएको ४८ घण्टा नबित्दै शिशुसँगै अस्ताए परिवारका ४ जना
आजदेखि लाइसेन्स बोक्न नपर्ने, मोबाइलबाट ट्राफिकले कारबाही गर्न सक्ने
पर्यटन व्यवसायी मिश्रको डेंगु संक्रमणबाट निधन