पोखरा । सहकारी ठगी आरोपमा पक्राउ परेका नेपाल प्रहरीका पूर्वडिआइजी छबिलाल जोशीलाई बयानका लागि रुपन्देही लगिएको छ । जोशी रवि लामिछानेका व्यावसायिक साझेदार हुन् । गोर्खा मिडिया प्रालिमा उनीहरुको लगानी थियो ।
जिल्ला प्रहरी कार्यालय कास्कीको हिरासतमा रहेका जोशीलाई सोमबार रुपन्देही लगिएको हो । बुटवलमा बयान सकिएपछि फेरि उनलाई पोखरा नै ल्याइने छ । बुटवलको सुप्रिम सहकारीको रकम गोर्खा मिडियामा लगेर अपचलन गरेको आरोप उनीमाथि छन् ।
सहकारी ठगी र संगठित अपराधको अनुसन्धानका लागि पक्राउ परेका रास्वपका सभापति रवि लामिछानेसँग जिल्ला सरकारी वकिलको कार्यालयले सोधपुछ थालेको छ । मुद्दाको प्रक्रियाका लागि कागजात जुटाउने सिलसिलामा सोमबार सोधपुछ गरिए पनि बयान भने लिइ नसकिएको बताइन्छ ।
पोखराको सूर्यदर्शन सहकारीको रकम गोर्खा मिडियामा लगेर अपचलन गरेको आरोपमा रवि र छवि पक्राउ परेका हुन् ।
एमाले सांसद सूर्य थापा नेतृत्वको संसदीय छानबिन समितिले जोशीसहितका व्यक्तिलाई सहकारी ठगी प्रकरणमा कारबाही गर्न सिफारिस गरेको थियो । ३१ भदौमा बुझाएको प्रतिवेदन कार्यान्वयन गर्ने निर्णय भएसँगै ६ असोजमा जोशी काठमाडौंको शंखमुलबाट पक्राउ गरेका थिए । उनलाई सोही दिन जहाजबाट पोखरा ल्याइएको थियो ।
सम्बन्धित खबर
‘सडकमा भीड उतारेर अनुसन्धान प्रभावित पार्ने काम स्वीकार्य हुँदैन’ – नागरिक समाज पोखरा
छविलाई बुटवल लगियो, रविसँग सोधपुछ सुरू
रास्वपाको प्रदर्शनमा आफू आफैबीच कुटाकुट
ल्वाङमा बन्यो १९ फिट अग्लो बुद्ध मूर्ति
प्रदेश प्रमुखबाट गण्डकीका वनमन्त्री भेषबहादुर पौडेलले लिए शपथ
पाेखरामा रास्वपा कार्यकर्ताबाट पत्रकारमाथि आक्रमण भएकाेमा पत्रकार संघसंगठनकाे आपत्ति
यो पनि पढौँ
पोखराको हेम्जामा यात्रु चढाइरहेको बसलाई टिप्परले ठक्कर दियो
छोरा जन्मिएको ४८ घण्टा नबित्दै शिशुसँगै अस्ताए परिवारका ४ जना
आजदेखि लाइसेन्स बोक्न नपर्ने, मोबाइलबाट ट्राफिकले कारबाही गर्न सक्ने
पर्यटन व्यवसायी मिश्रको डेंगु संक्रमणबाट निधन