बिहे गर्ने भनी प्रेमीले बोलाए, ४ जनाले गरे बलात्कार

अपराध

बिहे गर्ने भनी प्रेमीले बोलाए, ४ जनाले गरे बलात्कार

rape eee

दाङमा एक युवतीमाथि सामूहिक बलात्कार भएको छ। दाङ गढवा गाउँपालिका-५ की १९ वर्षीय युवतीमाथि आफ्नै प्रेमीसहित चार युवाले बलात्कार गरेको पाइएको जिल्ला प्रहरी कार्यालय दाङका डीएसपी ईश्वर थापाले जानकारी दिए।

‘१९ वर्षकी ती युवतीलाई सोही ठाउँका १९ वर्षकै किरण चौधरीले फोन गरी विवाह गर्ने प्रलोभन देखाएर बोलाएको र उनले आफ्ना साथीहरूलाई पनि बोलाएर बलात्कार गरेको प्रारम्भिक अनुसन्धानमा खुलेको छ’ उनले भने।

ती युवतीको शरिरका विभिन्न ठाउँमा चोट लागेको र उपचार भइरहेको बताइएको छ। प्रहरीले किरणसहित चारजनालाई नै पक्राउ गरिसकेको छ। किरण र युवतीबीच केही समयदेखि प्रेम सम्बन्ध रहेको पनि खुलेको छ।

सामुहिक बलात्कारको आरोपमा प्रहरीले किरणसहित चारैजनालाई पक्राउ गरेको छ। पक्राउ पर्नेमा गढवा गाउपालिका- ५ मंघरका २४ वर्षका सन्जित चौधरी, १९ वर्षका धिरज चौधरी र २१ वर्षका सन्दिप चौधरी रहेका छन्।

अदालतबाट म्याद लिएर उनीहरूमाथि थप अनुसन्धान भइरहेको प्रहरीले जनाएको छ।

गण्डकी प्रदेशको अग्रणी अनलाइन गण्डक न्यूज विभिन्न प्लाटफर्ममा उपलब्ध छन्। सामाजिक सञ्जालहरूमा हाम्रो च्यानल सब्स्क्राइब गर्न यहाँ क्लिक गर्नुहोस्। जहाँ तपाईँ फेसबुक, ट्विटर, इन्स्टाग्राम, यूट्युब लगायतमा पनि हाम्रा सामाग्री हेर्न सक्नुहुन्छ। नयाँ खबर थाहा पाउनका लागि गण्डक न्यूज र हाम्रो अर्को आधिकारिक वेबसाइट गण्डकी न्यूज भिजिट गर्दै गर्नुहोला। साथै, माथि समाचार पढेपछि तपाईँको प्रतिक्रिया के छ? व्यक्त गर्नुहोला।

प्रतिक्रिया

लेखकको बारेमा

गण्डक न्यूज

गण्डक न्यूज

गण्डक न्यूज डेस्क

ट्रेन्डिङ