राष्ट्रिय स्वतन्त्र पार्टी (रास्वपा) का सभापति एवम् पूर्व उपप्रधान तथा गृहमन्त्री रवि लामिछानेलाई काठमाडौँमा पक्राउ गरेर पोखरा ल्याइँदैछ ।

बाटोमा उनका समर्थकहरूले ठाउँ–ठाउँमा विरोधसहित नाराबाजी गरेका छन् । धादिङमा कार्यकर्ताहरुले प्रहरीको गाडीमाथि समेत ढुंगा हाने ।

चितवनको मुग्लिनमा सयौँको संख्यामा रास्वपाका नेता कार्यकर्ताहरूले प्रदर्शन गरेका थिए ।

चितवन–२ बाट निर्वाचित सांसद समेत रहेका लामिछानेको पक्षमा मुग्लिनमा भीड जम्मा हुने भएपछि प्रहरीले नारायणगढबाट मुग्लिनतर्फ आउने सडक अवरुद्ध पारेको थियो । मुग्लिनमा टोली ११ः३६ मा आइपुगेको थियो ।

प्रहरीले लामिछानेलाई कुरिनटारस्थित एपीएफको विपद् व्यवस्थापन केन्द्रमा खाना खुवाएको थियो । त्यसैले मुग्लिन आइपुग्न ढिलाई भएको थिया ।

दमौलीमा आइपुग्दा १ः४० बजेको थियो । एक दर्जन जति कार्यकर्ता दमौली बजारमा उभिएर बसेका देखिन्छ ।

लामिछानेलाई लिएर आएको प्रहरी टोली तनहुँको कोत्रे हुँदै कास्की प्रवेश गर्ने क्रममा छ । अबको आधा घण्टामा जिल्ला प्रहरी कार्यालय कास्की आइपुग्ने प्रहरी श्रोतले बताएको छ ।