असोजमा ५३ हजार ५ सय २५ जना नेपाली वैदेशिक रोजगारीमा गएका छन्। वैदेशिक रोजगार विभागको मासिक विवरणअनुसार असोज महिनामा ४७ हजार ४४३ पुरुष र ६ हजार ८२ जना महिला कामको खोजीमा बाहिरिएका छन्।
असोजमा म्यानपावर कम्पनीमार्फत २४ हजार ३ सय ९१ जनाले श्रम स्वीकृति लिएका छन् भने व्यक्तिगत नयाँ ८ हजार ९ सय ३८ जनाले श्रम स्वीकृति लिएका छन्। पुनः श्रम स्वीकृति लिनेहरू भमे १९ हजार ३ सय ५६ जना रहेका छन्। सबै प्रक्रियाबाट असोजमा ५३ हजार ५ सय २५ जनाले श्रम स्वीकृति लिएको विभागले जनाएको छ। गत बर्ष असोजमा ३१ हजार ३ सय ६८ जनाले श्रम स्वीकृति लिएका थिए।
साउदी १० हजार, कतार ९ हजार ७ सय, कुवेत ३ हजार ८ सय, कोरिया १ हजार १ सय ६ जना र जापान १ हजार ४ सय ५६ जना वैदेशिक रोजगारीमा गएको विभागको तथ्यांकमा छ।
यस्तै, युरोपेली देश रोमानिया २ हजार २ सय जना, ओमान २ सय ७२ जना, क्रोएसिया ७ सय ८३ जना, साइप्रस ४ सय ८५ जना गएकोमा म्यानपावर मार्फत ४ सय २३ जना, जोर्डनका लागि १ सय ७ जना, मलेसिया ४३ जना र मरिससमा ८७ जना गएको विभागले जनाएको छ।
मलेसियाको रोजगारी बन्द भएका कारण त्यहाँ जाने कामदारको संख्या घटेको विभागले जनाएको छ। गत मार्चदेखि मलेसियाको रोजगारी बन्द छ। असोज र कात्तिक नेपालीका चाडपर्वका महिना भएपनि वैदेशिक रोजगारमा जाने क्रम अघिल्ला महिनाजस्तै यथावत् देखिएको छ।
सम्बन्धित खबर
भारतमा साँढे जुधाइ प्रतियोगिताको क्रममा ७ जनाको मृत्यु
गोरखा भर्ती खुलाउन भारतीय सेनापतिको नेपालसँग आग्रह
बलिउड अभिनेता सैफ अली खानमाथि चक्कु प्रहार
दक्षिण कोरियाली राष्ट्रपति पक्राउ
लस एन्जलसमा डढेलो : मृतकको संख्या २४ पुग्यो, आगलागी अझै बढ्ने
भागदौड मामिलामा अल्लु अर्जुनलाई ठूलो राहत
यो पनि पढौँ
स्याङ्जाका निरजलाई आठौं पटक ठेलोको उपाधि
कथा सकिने डरले चलचित्र निर्देशक बनेका गायक प्रकाश सपूत
देवघाटमा माघे सङ्क्रान्ति मेला सुरु
पर्वतको कुश्मामा कपास उद्योगमा आगलागी