स्याङ्जाको आँधीखोला गाउँपालिका -२ बेझाङमा बोलेरो जिप दुर्घटना हुँदा घाइते भएकालाई थप उपचारका लागि पोखरा रिफर गरिएको छ ।
शुक्रबार बिहान १० बजे शिरुबारी देखी पोखरा जाँदै गरेको ग १ ज ५७५६ नम्बरको बोलेरो जिप बेझाङ भालेखर्क स्थित भित्री सडकखण्डमा ब्रेक फेल हुँदा दुर्घटना भएको जिल्ला प्रहरी कार्यालय स्याङ्जाका प्रवक्ता एवं सूचना अधिकारी प्रहरी नायब उपरीक्षक हरि प्रसाद पौडेलले जानकारी दिए ।
दुर्घटनामा परी जिपमा सवार चालकसहित ९ जना मध्ये घाइते भएका सात जनालाई सेतिदोभान स्वास्थ्य चौकीमा सामान्य उपचार गरी थप उपचारको लागि गण्डकी मेडिकल कलेज पोखरा रिफर गरिएको डिएसपी पौडेलले बताए ।
दुर्घटनामा आँधीखोला गाउँपालिका -५ का ५० वर्षीय आत्मराम सिग्देल, ८४ वर्षीय कलावती घिमिरे, ३२ वर्षीय सिर्जना चापागाईं, कास्की पोखरा महानगरपालिका -११ कि तीन वर्षीय सोफिया नेपाली, पोखरा छोरेपाटनकी १६ वर्षीय अमना नेपाली, अर्जुनचौपारी- ५ कि ५८ वर्षीय शान्तिकुमारी सापकोटा, ६१ वर्षीय शिव सिग्देल, घाइते भएको प्रहरी कार्यालयले जनाएको छ ।
जिप चालक अर्जुनचौपारी गा.पा. ५ का २७ वर्षीय सागर विश्वकर्मा प्रहरीको नियन्त्रणमा रहेको, जिप घटनास्थलमा रहेको र दुर्घटना सम्बन्धी थप अनुसन्धान भइरहेको डिएसपी पौडेलले बताए ।
सम्बन्धित खबर
आँधीखोला बेझाङ जिप दुर्घटना[अपडेट], घाइतेलाई पोखरा रिफर
गोरखामा मोटरसाइकल दुर्घटना हुँदा एक जनाको मृत्यु
आँधीखोला बेझाङमा जिप दुर्घटना, सात जना घाइते
काठमाडौँबाट पोखरा आउँदै गरेको माइक्रो बस भिरमा खस्यो, २ जना गम्भीर घाइते
देशभर ३ दिनमा मृत्यु हुनेको संख्या १४८ पुग्यो, ५५ जना अझै बेपत्ता
झ्याप्ले खोला पहिरो [अपडेट]: ३ बसमा सवार ३५ जनाको शव निकालियो
यो पनि पढौँ
पश्चिमाञ्चल क्षेत्रीय अस्पतालबाट डिस्चार्ज गरिएको भोलिपल्टै विजयपुर खोलामा शिशु मृत फेला
‘हनी ट्रयाप’मा पारेर ज्यान लिने मनिषा, बागलुङका प्रतिक गौतमसहित ५ जना पक्राउ
धादिङको झ्याप्लेखोला पहिरोमा बससँगै पुरिएका १४ शव निकालिए
पोखरा विमानस्थल विहीबारदेखि बिहान साढे ४ बजेदेखि नै सञ्चालन