काभ्रे र पाँचथरमा पहिरोमा परेर ४ जनाको मृत्यु

काभ्रेमा एकै परिवारका ५ र धनकुटामा २ जना बेपत्ता

गण्डक न्यूज शनिबार, १२ असाेज २०८१

गण्डक न्यूज

१२ असाेज २०८१

पोखरा । काभ्रे र पाँचथरमा पहिरोमा परेर चार जनाको मृत्यु गएको छ ।

काभ्रेको तेमाल गाउँपालिका ७ मा पहिरोले घर पुरिँदा दुई जनाको मृत्यु भएको छ ।

आज बिहान करिब ३ बजेतिर भिमबहादुर तामाङको घर पहिरोमा पुरिँदा उनकी श्रीमती ५० वर्षीया पातली तामाङ र ४० वर्षीया नक्कली तामाङको मृत्यु भएको प्रहरीले जनाएको छ ।

यस्तै पाँचथरको फिदिम नगरपालिका–४ भदौरेमा पहिरोले घर पुरिँदा दुई जनाको ज्यान गएको छ । ज्यान जानेको नाम खुल्न नसकेको प्रहरीले जनाएको छ । त्यस्तै काभ्रेको पनौती नगरपालिका ११ थुम्कीमा पहिरोले घर पुरिंदा पाँच जना बेपत्ता भएका छन् ।

यता धनकुटा पाख्रिबास नगरपालिका गुँरासेका सन्तोष तामाङ्गको घर पहिरोले पुरिँदा उहाँकी श्रीमती ३२ वर्षीया आशा तामाङ्ग र आमा ५० वर्षीया रामकुमारी तामाङ्ग बेपत्ता भएको प्रहरीले जनाएको छ ।