निरन्तरको वर्षाले देशैभर आन्तरिक हवाई उडान प्रभावित भएको छ । आज बिहानैदेखि आन्तरिकतर्फको उडान प्रभावित भएको त्रिभुवन विमानस्थल कार्यालयले जनाएको छ ।

प्रवक्ता रिन्जी शेर्पाका अनुसार भिजिबिलिटी कमजोर भएका कारण पोखरासहित जनकपुर, सिमरा, धनगढीलगायत अधिकांश विमानस्थलमा उडान हुन सकेको छैन ।

बाहिरका विमानस्थलको भिजिबिलिटी कमजोर भएका कारण त्रिभुवन अन्तर्राष्ट्रिय विमानस्थलबाट उडान भएका छैनन् । अन्तर्राष्ट्रिय उडान र अवतरण भने भइरहेको शेर्पाले बताए ।

उनका अनुसार त्रिभुवन अन्तर्राष्ट्रिय विमानस्थलमा अहिलेको भिजिबिलिटी तीन हजार रहेको छ । भिजिबिलिटी एक हजार ६ सय भन्दा माथि भएमा विमान उडाउन र अवतरण गर्न सकिनेछ ।

पोखरामा बिहीबार साँझदेखि नै निरन्तर वर्षा भइरहेको छ । वर्षाका कारण पोखराको जनजीवनसमेत प्रभावित बनेको छ । पोखरा अन्तर्राष्ट्रिय विमानस्थलबाट पनि कुनै पनि उडान हुन सकेको छैन ।