मुस्ताङ । विश्व पर्यटन दिवसका अवसरमा हिमाल पारीको जिल्ला मुस्ताङबाट पत्रकारिता गर्दै आएका पत्रकार सुन्दर कुमार थकाली पुरस्कृत भएका छन् ।
मुस्ताङ जिल्ला अन्तर्गत रहेका पर्यटकीय गन्तव्यहरूको प्रचारप्रसार एवं पर्यटन प्रवद्र्धनमा पत्रकारिताको माध्यमबाट पुर्याएको योगदानको कदर गर्दै थकालीलाई नगद १० हजारसहित पुरस्कृत गरेको हो ।
पर्यटन तथा उद्योग कार्यालय मुस्ताङ र राष्ट्रिय प्रकृति संरक्षण कोष, अन्नपूर्ण संरक्षण क्षेत्र आयोजना (एक्याप) जोमसोमले संयुक्त रुपमा आयोजना गरेको कार्यक्रममा पर्यटन तथा उद्योग कार्यालयले नगदसहित पुरस्कृत गरेको हो ।
संविधानसभा सदस्य श्रीमाया थकाली, पर्यटन तथा उद्योग कार्यालयका प्रमुख प्रेम पौडेल र एक्यापका कार्यालय प्रमुख प्रमोदराज रेग्मी लगायतका अतिथिहरुले पत्रकार थकालीलाई पुरस्कृत गरे ।
२०७० सालबाट आदर्शसमाज दैनिक पोखरादेखि पत्रकारिता सुरु गरेका पुरस्कृत पत्रकार थकाली समाधान दैनिक, एपीवान टेलिभिजन, अन्नपूर्ण पोष्टमा कार्यरत छन् । राजधानी दैनिक, इमेज टेलिभिजनमा पनि उनले काम गरिसकेका छन् । १२ वर्षदेखि कठिन भूगोलमा रहेर पत्रकारितामा निरन्तर क्रियाशील थकाली इमुस्ताङन्यूज डटकमका सञ्चालक पनि हुन् ।
पत्रकार महासंघ मुस्ताङका अध्यक्ष थकालीले यसअघि विभिन्न पुरस्कार तथा सम्मान प्राप्त गरिसकेका छन् ।
पर्यटन र शान्ति नाराका साथ शुक्रबार ४५ औं विश्व पर्यटन दिवस मनाइँदैछ । जोमसोम विमानस्थलमा पर्यटकहरुको स्वागत गरी विमानस्थलदेखि जिल्ला समन्वयसमितिको सभाहलसम्म बाजागाजासहित बजार परिक्रमा गरी प्रभातफेरी कार्यक्रम पनि आयोजना गरिएको छ ।
This will close in 4 seconds
सम्बन्धित खबर
मुस्ताङ प्रशासनको पुरानो भवनमा आगलागी हुँदा सुरक्षाकर्मी घाइते
जोमसोममा झोलुङ्गे पुलबाट खसेर पोखराका युवकको मृत्यु
मुस्ताङमा झोलुङ्गे पुलबाट खसेर एक जनाको मृत्यु
मुस्ताङमा आलु ‘जोन’ सञ्चालन
पत्रकार महासंघ मुस्ताङमा सुनदेवी निर्विरोध
भारतीय स्थल सेनाध्यक्ष जनरल उपेन्द्र द्विवेदीले गरे मुक्तिनाथको दर्शन
यो पनि पढौँ
स्याङ्जाका निरजलाई आठौं पटक ठेलोको उपाधि
कथा सकिने डरले चलचित्र निर्देशक बनेका गायक प्रकाश सपूत
देवघाटमा माघे सङ्क्रान्ति मेला सुरु
पर्वतको कुश्मामा कपास उद्योगमा आगलागी