पोखरा । महिला सामुदायिक स्वास्थ्य स्वयंसेविका सञ्जाल कास्कीले ‘डेंगु रोगसम्बन्धी सचेतना, खोज र नष्ट गर’ अभियान सञ्चालन गरिएको छ ।
पोखरा महानगरमा डेंगुको संक्रमण ह्वात्तै बढेपछि समुदायमै गएर सचेतना र डेंगु रोग संक्रमण गराउने एडिज लामखुट्टेको लार्भा खोज र नष्ट गर अभियान अअघि बढाइएको सञ्जालकी अध्यक्ष भीमा पौडेलले जानकारी दिइन् ।
उनका अनुसार डेंगुसम्बन्धी विभिन्न जनचेतनामूलक गीतमार्फत महानगरका ३३ वटै वडामा सचेतना फैलाउन लागिएको हो ।
पोखरा-६ बाट शुभारम्भ भएको कार्यक्रममा वडाध्यक्ष विष्णुबहादुर भट्टराईले स्वस्थ्य स्वयंसेविकाले समुदायमा जनचेतना फैलाउँदा छिटो प्रभावकारी हुने दावी गरे ।
उनले डेंगुबाट बच्न नागरिक नै सजग हुनुपर्ने भन्दै समुदायमा डेंगु संक्रमण फैलिन नदिन खोज र नष्ट गर अभियान सबै ठाँउमा सञ्चालन गर्नुपर्नेमा जोड दिए ।
पोखरा महानरपालिकाका स्वास्थ्य महाशाखा प्रमुख भरतराज पौडेलले अभियान सबैको भएकाले सबै सामाजिक संघसंस्थाले पनि सचेतना फैलाउन लाग्नुपर्नेमा जोड दिए ।
उनले स्वास्थ्य महाशाखा महिला स्वास्थ्य स्वयंसेविका सञ्जालले गर्ने हरेक कार्यमा साथ र सहयोग रहने बताए । अभियानमा विभिन्न वडाका २५ जना स्वास्थ्य स्वयंसेविका सहभागी छन् ।
कार्यक्रम पोखरा-६ लेकसाइडबाट सुरु भई वडा नं. ५, ६, ७ र ८ का ग्यारेज, वर्कशप, होटल रेष्टुरण्ट, कवाडी कारखानालगायत विभिन्न स्थानमा पुगेर सचेत गराइएको थियो ।
सञ्जालकी अध्यक्ष भीमा पौडेलको अध्यक्षतामा भएको कार्यक्रमको सञ्चालन संगीता बरालले गरेकी थिइन् ।
This will close in 4 seconds
सम्बन्धित खबर
पोखरा १५ बृहत् खेलकुद महोत्सवः शुक्रबार विभिन्न खेल सम्पन्न, शनिबार समापन हुँदै
पोखरामा भोलिदेखि इभी एक्स्चेञ्ज एन्ड टेस्ट ड्राइभ कार्निभल, ५ वटा ब्राण्ड एकै ठाउँ
सम्झनामै सीमित ‘पोखराको सम्झना’
पृथ्वीचोक बसपार्कमा स्थानीयको सक्रियतामा ढलानसहितको पक्की बाटो निर्माण [फोटो/भिडियो]
विदेश पलायन हुनेभन्दा देश बनाउने कुरामा ध्यान दिनुस् : प्रधानमन्त्री ओली
पोखरा १५ बृहत् खेलकुद महोत्सवः फुटबल, भलिबल, ब्याडमिन्टनका खेलहरू जारी
यो पनि पढौँ
स्याङ्जाका निरजलाई आठौं पटक ठेलोको उपाधि
कथा सकिने डरले चलचित्र निर्देशक बनेका गायक प्रकाश सपूत
देवघाटमा माघे सङ्क्रान्ति मेला सुरु
पर्वतको कुश्मामा कपास उद्योगमा आगलागी