दलित उत्थान केन्द्र अर्जुनचौपारीद्वारा आयोजित दोस्रो रमाइलो तीज मेलामा लोक गायक विक्रम परियार र लोक गायिका सीमा नेपालीले दर्शकलाई नचाएर रमाइलो गरेका छन् ।

महिलाहरूको महान चाड हरितालिका तीजको अवसरमा आयोजित मेलामा लोक गायक परियारले `मायाले नबोल रुखो´, `अन्त नभने´, `चौतारीको वर´, `बाँचेको छु धन्न´, `पर्खिम अझै कति´ लगायतका गित र गायिका सिमा नेपालीले `बिछोड हुनलाई´, `झिलझिल सितारा´, `पिरती बुनेसी´, `मै छोरीलाई गाह्रो भो´ लगायतका बोलका गितमा सयौंको संख्यामा उपस्थित दर्शकलाई नचाएर भरपुर मनोरञ्जन गराएका थिए ।

अर्जुनचौपारीमा आयोजित रमाइलो मेलामा गायक लक्ष्मण चापागाईं, दीर्घनारायण अधिकारी, राजु अधिकारी र नृत्यांगना सगुन थापाले समेत आफ्नो प्रस्तुति दिएर दर्शकलाई मनोरञ्जन प्रदान गरेका थिए ।

त्यस्तै, कार्यक्रममा स्थानीय आमा समूहको तीज गित प्रतियोगिता, एकल नृत्य प्रतियोगिता, घैँटो फुटाउने तथा भाले छोप्ने प्रतिस्पर्धा समेत गरिएको थियो । प्रतिस्पर्धामा विजयीलाई पुरस्कार प्रदान गरिएको थियो ।