पदभार ग्रहण

कृषिमन्त्री जिसीको पहिलो निर्णय: पशुको आकस्मिक मृत्यु भए तत्काल क्षती वापतको रकम दिने

कार्यविधि संशोधन

गण्डक न्यूज सोमबार, १७ भाद्र २०८१

१७ भाद्र २०८१

पोखरा । गण्डकी प्रदेश सरकारका नवनियुक्त कृषि, भूमी व्यवस्था तथा सहकारी मन्त्री पद्मा जिसी श्रेष्ठले पूर्ण खोप कार्यक्रम कार्यविधि २०७७ लाई संशोधन गर्दै पहिलो निर्णय गरेकी छन् ।

मन्त्री नियुक्त भए लगत्तै पदभार ग्रहण गर्दै उनले खोप लगाएका पशुको आकस्मिक मृत्यु भएमा कृषकलाई क्षती वापतको रकम उपलव्ध गराउने निर्णय गरेकी हुन् ।

प्रदेशका ८५ वटै पालिकामा खोरेत ,भ्याकुते / चुरचुरे ,बङ्गुरको हैजा ,पिडिआर र रेविज रोग लागी खोप लगाएका पशुहरुको आकस्मिक मृत्युु भएमा क्षती वापतको रकम प्राप्त गर्न पाउने व्यवस्था गरिएको हो ।