पोखरा महानगर अन्तर्गत ३३ वटा वडामध्ये सामाजिक काममा सक्रियतापूर्वक लागेको वडामध्ये वडा नं. १५ अग्रपंक्तिमा आउँछ ।
वडाको प्रशंसनीय काममध्ये वृहत सरसफाई कार्यक्रम पनि एक हो । वडामा सरसफाई, खेलकुद, विपन्न वर्गलाई सहयोग, स्वास्थ्यशिविर, महिला तथा युवा लक्षित कार्यक्रमहरु, कृषक वर्गलाई सहयोग जस्ता कार्यक्रम निरन्तर हुँदै आएको छ ।
वडा नं. १५ ले लामो समय लगातार बृहत् सरसफाई कार्यक्रमको आयोजना गर्दै आएको थियो ।
शनिबार पनि रातीखहरेदेखि खोला क्षेत्रमा सरसफाई गरिएको छ । ‘हाम्रो वडा, राम्रो वडा’ भन्ने अभियान स्वरूप वडाले यस प्रकारका कार्यक्रम आयोजना गर्दै आएको हो ।
सरसफाइ कार्यक्रमलाई समापन गर्दै वडा अध्यक्ष बानियाँले आफ्नो घर मात्र होइन, घर अगाडि, टोल सफा राख्न सके मात्र वातावरण स्वच्छ हुने र स्वस्थ रहन सकिने बताए ।
वडाध्यक्ष बानियाँले सरसफाइ कार्यक्रमसँगै अन्य सचेतना मूलक कार्यक्रमहरू पनि जोड्दै अघि बढेको उल्लेख गरे ।
उनले यस्ता कार्यक्रमले समाजमा सकारात्मक भाव जगाउने विचार व्यक्त गर्दै थपे – हामीले हिनामा एक दिन केही समय सफा गरेर सबै सफा हुने होइन तर यो कार्यक्रमले घरमात्र नभई टोल, सडक, वडा सफा राख्नुपर्छ भन्ने सन्देश दिनेछ ।
उनले सरसफाइ कार्यक्रम पोखरा –१५ को अभियान रहेको हुँदा यो अभियानलाई सार्थक बनाउन सम्पूर्ण वडाबासीलाई आग्रह गरे।
बानियाँले आजको सरसफाइ कार्यक्रममा जुट्ने सबैलाई धन्यवाद दिए।
आजको सरसफाइ कार्यक्रममा प्रहरी, टोल विकास संस्था, युवा क्लब तथा सामाजिक अभियन्तासहित पोखरा –१५ का जना जनप्रतिनिधिको सहभागिता रहेको थियो।
२ ट्रक बढी फोहोर संकलन गरिएको थियो ।
सम्बन्धित खबर
मन्त्री बनेपछि गृह जिल्लामा पद्मा
समस्या पहिचान र समाधानको योजनासहित अघि बढेको छु: स्वास्थ्य मन्त्री पाठक
मुलुकको पर्यटनको विकासमा फोटोग्राफरको महत्वपूर्ण भूमिका: प्रदेश प्रमुख भट्ट
लायन्सले मानवीय सेवामा गरेका कार्य उत्कृष्ट छन्: प्रदेश प्रमुख भट्ट
मन क्षेत्री र नन्दमाया दुरा पुरस्कृत
पोउवा संघको निर्वाचनमा २२ सय ५१ मत खस्यो, ७ सय अनुपस्थित
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग