म्याग्दीको सदरमुकाम बेनी बजार नजिक यात्रु बस दुर्घटना भएको छ । दुर्घटनामा परी ४ जना घाइते भएका छन् ।
बेनीबाट गलेश्वर तर्फ जाँदै गरेको ना ५ ख २८९८ को यात्रुवाहक बस सोमबार साँझ साढे ५ बजेतिर बेनी नगरपालिका ६, ठुलोबौर स्थित सडकको छेउमा ठक्कर खाई सडकमै पल्टिएको हो ।
बसमा सवार चालकसहित ४ जना घाइते भई उपचारको लागि बेनी अस्पताल, म्याग्दी पठाइएको जिल्ला प्रहरी कार्यालय, म्याग्दीका सूचना अधिकारी इन्सपेक्टर राजन रायमाझीले जानकारी दिए ।
चालक म्याग्दी जिल्ला रघुगंगा ०१ तिप्ल्याङ बस्ने वर्ष ३० को रमेश खड्काको टाउको, दायाँ हातको कुहिना र बायाँ हातको कुममा चोट लागेको छ । यस्तै, बसमा सवार २९ वर्षका भुमिराज रानामगरको टाउकोमा चोट लागेको छ । दुवै अहिले बेनी अस्पतालमा उपचाररत छन् ।
सहचालक २८ बर्षका धन कुमार बुढाको बायाँ खुट्टाको घुँडामा सामान्य घाउ लागेको र अवस्था सामान्य रहेकाले डिस्चार्ज भइसकेका प्रहरीले जनाएको छ ।
तिप्ल्याङ बस्ने वर्ष २८ को रोशन पुर्जाको दुवै खुट्टामा गहिरो चोट र अण्डकोषमा चोट लागेकाले उनलाई थप उपचारको लागि पोखरा रेफर गरेको छ ।
सम्बन्धित खबर
प्रतिभा माविद्वारा व्यवस्थापन संकायका अब्बल विद्यार्थीलाई सम्मान
पत्रकार महासंघ गण्डकी र कास्की भवनमा क्रियाशील पत्रकारले लगाए फेरि ताला
छाब्दीवाराही मन्दिर: धार्मिक गन्तव्यस्थल
कास्कीमा डेंगीबाट तीनको मृत्यु, ३७ सय बढी संक्रमित
पोखरामा कर्मचारी सञ्चय कोषको ६३ औं वार्षिकोत्सव मनाइयो
लमजुङको डुम्रे–बेँसीशहर सडक खुल्यो
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग