पोखरा सिर्जनाचोक स्थित रहेको आकाशे पुलको पोलमा सवारी ठोक्किँदा एक युवकको ज्यान गएको छ ।

जिल्ला ट्राफिक कार्यालय कास्कीका प्रमुख इन्स्पेक्टर भानु शर्माका अनुसार मृत्यु हुनेमा धौलागिरी दोहोरी साँझका म्यानेजर सुशान गुरुङ रहेका छन् । पर्वतको पैयु गाउँपालिका वडा नम्बर ७ हिलेका स्थायी बासी उनी पोखरामा रहँदै आएका थिए ।

आज शुक्रबार सबेरै ४ बजे पोखरा महानगरपालिका वडा नं. ८ सिर्जना चोक स्थित आकाशे पुलको पोलमा उनी सवार ग २१ प ५४५० नम्बरको स्कुटर ठोकिएको हो ।

दुर्घटनापछि सुशानलाई उपचारको लागि नजिक रहेको मेट्रो सिटी हस्पिटलमा लगिएकोमा उपचारको क्रममा चिकित्सकद्वारा मृत्यु घोषणा गरेको शर्माले जनाए ।

यता, पोखरा लोकदोहोरी रेष्टुरेण्ट व्यवसायी सघंले गुरुङको निधनमा शोक व्यक्त गरेको छ । संघले आज भदौ ७ गते पोखरामा रहेका सम्पूर्ण दोहोरी सॉझहरु बन्द गरिदिन आग्रह पनि गरेको छ ।