पोखरा । कास्कीभर तीजमा तडकभडकसहितका खर्चिला कार्यक्रम गरे कारबाही गरिने प्रशासनले जनाएको छ ।
जिल्ला प्रशासन कार्यालय कास्कीले बिहीबार सूचना जारी गर्दै तीजका नाममा होटल तथा पार्टी प्यालेसमा राति अबेरसम्म तडकभडकसहितका अत्यन्त खर्चिला कार्यक्रम गर्न नपाइने भनेको छ ।
यस्ता किसिमका कार्यक्रम गर्न रोक लगाइएको जानकारी गराउँदै गरगहना प्रदर्शन र ध्वनी प्रदुषण हुने गरी सांस्कृतिक कार्यक्रम गर्दा तीज पर्वको मौलिकतामाथि आँच आउने तथा विभिन्न विकृति र सामाजिक अपराधलाई प्रोत्साहन पुग्न जाने प्रशासनले सूचनामा उल्लेख गरेको छ ।
आफ्नो परम्परा, सामाजिक रीतिरिवाजलाई निरन्तरता दिने तथा संवर्द्धन गर्नेबाहेक अन्य कुनै पनि खर्चिला तथा सामाजिक सद्भावमा असर पुर्याउने खालका भड्किला कार्यक्रम तथा क्रियाकलाप सञ्चालन नगर्न सूचनामार्फत आग्रह गरिएको छ ।
सूचनाको वर्खिलाप हुने गरी भए गरेका कार्यक्रमको प्रशासनबाट सुक्ष्मरुपमा निगरानी राखी सामाजिक व्यवहार (सुधार) ऐन, तथा नियमावली, २०३३ र अन्य प्रचलित कानूनअनुसार कारवाही हुने चेतावनी दिइएको छ ।
साथै सामाजिक अनुशासन कायम गर्ने यस कार्यमा राजनीतिक दल, नागरिक समाज, पेशागत संघ संस्था र महिला सञ्जाल तथा सबै जिल्लावासीबाट सहयोग हुने सहायक प्रमुख जिल्ला अधिकारी गंगाबहादुर क्षेत्रीद्वारा सूचनामा उल्लेख छ ।
This will close in 4 seconds
सम्बन्धित खबर
कास्कीको मादीमा नागीधार महोत्सव सुरु
फोनिज कास्कीको अध्यक्षमा बिनु थापा मगर
पोखरामा पुराना सवारीसाधनले लाइसेन्स ट्रायल दिनुपर्दा धेरै असफल भएपछि नयाँ व्यवस्था
अध्यादेशको विरोध गर्दै कास्कीका ३५ स्थायी शिक्षकले दिए सामूहिक राजीनामा
डा. निकोलस भुसाललाई ५० हजार धरौटीमा छाड्न कास्की अदालतको आदेश
कास्की हिरासतमा रविको तस्वीर खिच्ने निकोलस भुसाल फेरि पक्राउ
यो पनि पढौँ
स्याङ्जाका निरजलाई आठौं पटक ठेलोको उपाधि
कथा सकिने डरले चलचित्र निर्देशक बनेका गायक प्रकाश सपूत
देवघाटमा माघे सङ्क्रान्ति मेला सुरु
पर्वतको कुश्मामा कपास उद्योगमा आगलागी