स्याङ्जाको अर्जुनचौपारी गाउँपालिकाले प्रशासकीय भवनभित्र रहेको प्रतीक्षालयमा पुस्तकालय स्थापना गरेको छ । एघारवटा पालिका रहेको स्याङ्जामा व्यवस्थित पुस्तकालय स्थापना गर्ने पालिका अर्जुनचौपारी पहिलो हो ।
गण्डकी प्रदेश सामाजिक विकास मन्त्रालय र गाउँपालिकाको आर्थिक सहयोग साथै विश्व हिन्दु युवा सङ्घको समन्वयमा पालिकाभित्रै पुस्तकालय स्थापना गरिएको पालिका अध्यक्ष प्रकाश तिवारीले जानकारी दिए । उनले मन्त्रालयको एक लाख ७५ हजार र गाउँपालिकाको ७५ हजार रुपियाँ गरी दुई लाख ५० हजार रुपियाँमा पालिकाभित्र रहेको प्रतीक्षा कक्षमा पुस्तकालय स्थापना गरिएको बताए ।
पालिकाभित्र रहेको पुस्तकालयमा चार वेद, गिता, श्रीमद् भागवत, विष्णुपुराण, महापुराण, गिता, विश्वको इतिहास, नेपाली इतिहास, नेपालको संविधान, नेपाली बृहत् शब्दकोश, बाल साहित्यका कथा, उपन्यास, विद्यालयमा पठनपाठनका शैक्षिक सामग्री सहित छ सय महत्त्वपूर्ण पुस्तकहरू पुस्तकालयमा उपलब्ध छन् । विश्व हिन्दु युवा सङ्घका अध्यक्ष नवराज पौडेलले सबै पुस्ताका पाठकको रुचिलाई मध्यनजर गरेर पुस्तकालयमा नेपाली, संस्कृत र अङ्ग्रेजी भाषाका उपयोगी र महत्त्वपूर्ण किताबहरू राखिएको जानकारी दिए ।
युवा पुस्तालाई सनातन धर्म संस्कृतिको महत्व र गरिमा बुझाउन र पठन पाठनको विकास गर्ने उद्देश्यले पुस्तकालय स्थापना गरिएको पालिका अध्यक्ष तिवारीको भनाइ छ । गाउँपालिका अध्यक्ष प्रकाश तिवारीले शैक्षिक गुणस्तर वृद्धि र नागरिक चेतनाको विकासमा पुस्तकालयले सहयोग पुऱ्याउने बताउँदै पालिकाको शैक्षिक सुधार अभियानको क्रममा पुस्तकालय व्यवस्थापनमा विश्व हिन्दु युवासंघसँग सहकार्य गरिएको बताए ।
गाउँपालिकाले व्यवस्थापन गर्ने पुस्तकालय आइतबारदेखि शुक्रबारसम्म कार्यालय समयमा खुला रहने पालिकाले जनाएको छ । गाउँपालिकामा कामको लागि जाने, लेखपढ गर्ने, सानो बालकदेखि विद्यार्थी, वृद्ध सम्मलाई उक्त पुस्तकालय फलदायी छ ।
सम्बन्धित खबर
मृगौला पीडितलाई फोटोग्राफरहरुको आर्थिक सहयोग
मितेरी सहकारी ठगी आरोपमा कांग्रेस उपसभापति गुरुङविरूद्ध उजुरी
पेल्काचौरमा दशैँ पूर्णिमा मेला हुने, भलिबल प्रतियोगिता एवं विविध सांस्कृतिक कार्यक्रम
जीपीएल क्रिकेटको उपाधि गल्याङ ब्लास्टरलाई
स्याङ्जामा एक महिनामा एक हजारभन्दा बढी सवारीसाधन कारबाहीमा
अर्जुनचौपारी मेलामा लोक गायक विक्रम र गायिका सीमाले नचाए दर्शक
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग