पोखरा । राष्ट्रिय युवा संघ नेपाल जिल्ला कमिटी कास्की र पोखरा महानगर कमिटीले आइतबार युवा संघ नेपालका इन्चार्ज राजीव पहारीलाई सम्मान गरेका छन् ।
नेकपा (एमाले)का केन्द्रीय सदस्यसमेत रहेका पहारीलाई पार्टीका गण्डकी प्रदेशका इन्चार्ज किरण गुरुङले दोसल्ला र सम्मानपत्र प्रदान गरे ।
नेता पहारीले नेकपा (एमाले)को केन्द्रीय सचिवालयको बैठकबाट कास्की क्षेत्र नम्बर ३ र युवा संघ नेपालको इन्चार्जको जिम्मेवारी पाएका छन् । पार्टीका गण्डकी प्रदेशका इन्चार्ज गुरुङले सबै निराशाजनक अवस्थालाई आशामा परिणत गर्न एमाले लागेको बताए । उनले सबै खालका चुनौतीलाई सहज ढंगले समाधान गर्न पार्टी लागेको उल्लेख गरे ।
‘युवा निराशा हुनु हुँदैन । एकताबद्ध बन्नुपर्छ,’ उनले भने, ‘हामी राजनीतिक परिवर्तनको संक्रमणकालीन अवस्थामा छौं । यो अवस्थामा विकृति र नकारात्मक सांच हाबी हुन सक्छ । यो क्षणिक भएकाले युवा निराशा भएर विचलित हुनु हुँदैन ।’
उनले ग्रामीण निर्वाहमुखी अर्थतन्त्र विघटन हुने बेलामा धेरै जनशक्ति विदेशिन सक्ने उल्लेख गरे । यस्तो अवस्थामा सहर केन्द्रीत भएर विदेशिने जानकारी दिँदै उनले राजनीतिक स्थायित्व भएपछि सबै विकृति अन्त्य हुने सुनाए ।
आफू नेकपा माले कास्कीको संस्थापक उपसचिव भएको र दोस्रो कार्यकालमा सचिव भएको जानकारी दिँदै उनले आफ्नो भूमिगत राजनीतिक पृष्ठभूमि कास्कीसँग जोडिएको उल्लेख गरे । नेकपा (एमाले) कास्की इन्चार्ज कृष्ण थापाले युवालाई शिक्षित र सचेत बनाउन पार्टीले अभिभावकको भूमिका निर्वाह गर्ने जनाए ।
राष्ट्रिय युवा संघ नेपालका इन्चार्ज पहारीले ५ वर्षपछि युवा संघसँग जोडिएको सम्झना गरे । उनले पदीय जिम्मेवारीमा रहँदासम्म युवा संघलाई उचाईमा पुर्याउन ईंट्टा थप्ने उनको वाचा छ ।
राष्ट्रिय युवा संघ नेपालका स्थायी समितिका सदस्य विकास अधिकारी, युवा संघ नेपाल कास्की अध्यक्ष शंकर पौडेल, कास्की सचिव उमेश गुरुङ, पोखरा महानगर कमिटी अध्यक्ष प्रदीप गुरुङ लगायतले समसामयिक राजनीति र युवाको भूमिकाबारे बोलेका थिए ।
This will close in 3 seconds
सम्बन्धित खबर
पोखराका १० विद्यालयमा नि:शुल्क चाइनिज भाषा पढाइने
ईञ्जिनियरिङ र दन्त चिकित्सा प्रवेश परीक्षामा एसओएस गण्डकीका दुई विद्यार्थी नेपाल टप
द्वन्द्वकालको प्रेम कथामा आधारित सिनेमा ‘खुश्मा’
शुभकामना क्लबको तीन दिने तीज मेला सम्पन्न
म्याग्दीकी कृष्टिना पुन बनिन् ‘मिस मगर’
जनताको काम छाडेर वृत्ति विकास र अधिकार भन्दै नहिँड्न मुख्यमन्त्रीको कर्मचारीलाई निर्देशन
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग