पोखरा । पोखरामा सवारी साधनमा ढुङ्गा हानी क्षति पुर्‍याउने १ जना पक्राउ परेका छन्।

पक्राउ पर्नेमा काभ्रेपलान्चोक नमोबुद्ध नगरपालिका –६ स्थायी घर भई हाल कास्की पोखरा महानगरपालिका –५ मालेपाटन बस्ने वर्ष ४६ को धन बहादुर लामा रहेका छन्।

लामाले यही साउन १३ गते आइतबार एक बिरोध कार्यक्रममा पोखरा –९ पृथ्वीचोकमा पोखराबाट काठमाण्डौतर्फ जाँदै गरेको लु १ प ७ नं.को पर्यटक बसलाई रोकी चालकलाई अपशव्द, गालिगलौज गर्दै ढुङ्गा हानी सिसासमेत फुटाएर उनी फरार भएका थिए ।

उक्त दिन नेपाल यातायात व्यवसायी राष्ट्रिय महासंघ र सार्वजनिक यातायात केन्द्रीय महासंघ गण्डकी प्रदेशको संयुक्त आयोजनामा भाडाका सवारी साधन नचलाई बन्द गरेकोमा बिरोध कार्यक्रम गरिएको थियो ।

घटनापछि फरार भएका लामालाई खोजतलास गर्दै जाँदा हिजो मंगलबार पोखरा– १६ दिपबाट पक्राउ गरिएको जिल्ला प्रहरी कार्यालय कास्कीले जनाएको छ।

उनी बिरुद्ध सार्वजनिक हित, स्वास्थ्य, सुरक्षा, सुविधार नैतिकता विरुद्धको कसूर (अभद्र व्यवहार) सम्बन्धी मुद्दामा दिन १० म्याद थप गरी अनुसन्धान प्रकृया अगाडी बढाईएको प्रहरीले जनाएको छ।