जिल्ला प्रशासन कार्यालय स्याङ्जाद्वारा पहिरोमा परी ज्यान गुमाएका परिवारलाई राहत रकम हस्तान्तरण गरिएको छ ।
स्याङ्जा अर्जुनचौपारी गाउँपालिका -१ का अस्मित परियार र प्रभा परियारको परिवारलाई राहत रकम हस्तान्तरण गरिएको प्रमुख जिल्ला अधिकारी सुनिता नेपालले जानकारी दिइन् ।
गत २७ गते पोखरा -१९ तल्लाकोट टारीमा गएको पहिरोले विवाहपछि ससुराली गएका अस्मित परियार, उनकी श्रीमती र श्रीमतीको परिवारसहितको ज्यान लिएको थियो । प्रमुख जिल्ला अधिकारी नेपालले मृतक अस्मितको घरमै पुगेर प्रदेश सरकारले दिने सहयोग जनही ५०/५० हजार गरी नगद एक लाख रुपियाँ राहत हस्तान्तरण गरेको बताइन् ।
राहत रकम हस्तान्तरण गर्दै प्रजिअ नेपालले विपदमा परी ज्यान गुमाएका परिवारलाई संघीय सरकारद्वारा उपलब्ध हुने दुई लाख रुपियाँ र एकाघरको भएकाले थप एक लाख गरि तीन लाख रुपियाँ प्रक्रियागत रुपमा मृतकका परिवारको खातामा बाँकी रकम जम्मा गराइने बताइन् ।
त्यस्तै, प्रशासनले गत असारमा पहिरोमा परी छोरीसहित ज्यान गुमाएकी फेदिखोला -५ बाँगेकी दुर्गा जिटीको परिवार, पहिरो झर्दा ज्यान गुमाएका आँधिखोला -३ बिचरीचौतारीका तुलसीप्रसाद पौडेलको परिवार, पहिरोले च्यापिएर ज्यान गुमाएकी भिरकोट -५ ज्यामिरेकी खेम कुमारी मल्लको परिवार र बिरुवा -६ लामाखेत स्याङ्दीमा पहिरोले ज्यान गुमाएकाको परिवारलाई समेत राहत रकम हस्तान्तरण गरेको छ ।
यसैगरी, बाढीपहिरो प्रभावित परिवारलाई जिल्ला रेडक्रस सोसाइटी स्याङ्जा र लायन्स क्लब अन्तराष्ट्रिय डिस्ट्रीक्ट स्याङ्जाले पनि नगदसहित जिन्सी लगायतका सामानहरु राहत स्वरुप वितरण गरेको छ ।
This will close in 3 seconds
सम्बन्धित खबर
अर्जुनचौपारी मेलामा लोक गायक विक्रम र गायिका सीमाले नचाए दर्शक
स्याङ्जामा फर्निचर उद्योगबाट सामान चोरी गर्ने पक्राउ
स्याङ्जामा एक वर्षमा १४ वटा जबर्जस्ती करणीका मुद्दा दर्ता, अधिकांश पीडित बालिका
स्याङ्जामा गुडिरहेको एम्बुलेन्समा आगलागी, एम्बुलेन्समा पूर्ण क्षति
स्याङ्जामा बालिका करणी गर्ने एक युवक पक्राउ
सूर्योदय सहकारी ठगी प्रकरण : आरोपित बिरुवाका अध्यक्ष कुँवर २० लाख धरौटीमा रिहा
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग