प्रशासन कार्यालय स्याङ्जाले सेवाग्राहीको सहजताका लागि नि:शुल्क स्वास्थ्य सहायता कक्ष(हेल्प डेस्क) स्थापना गरेको छ । प्रशासन कार्यालय स्याङ्जामा सेवा लिन आउने सेवाग्राहीलाई सेवा दिने उद्देश्यले नि:शुल्क हेल्प डेस्क स्थापना गरिएको हो ।
जिल्ला प्रशासन कार्यालय स्याङ्जामा राष्ट्रिय परिचयपत्र बनाउनका लागि विषेशगरी जेष्ठ नागरिकहरुको भिडलाई सेवा दिनका लागि सो सुविधा थप गरेको प्रशासन कार्यालय स्याङ्जाले जनाएको छ ।
नेपाल रेडक्रस सोसाइटी स्याङ्जा शाखाको व्यवस्थापन र पुतलीबजार नगरपालिकाको प्राविधिक सहयोगमा कार्यालयमा सेवा लिन आउने सेवाग्राहीलाई लक्षित गर्दै हेल्प डेस्क स्थापना गरिएको हो । गाउँगाउँबाट प्रशासन कार्यालयमा राष्ट्रिय परिचयपत्र बनाउन र अन्य सेवा लिन आउने वृद्धवृद्धाहरु साथै सेवा लिन आउने जो कोहीले आफ्नो स्वास्थ्य अवस्था बारे बुझ्नका लागि हेल्प डेस्क स्थापना गरिएको प्रमुख जिल्ला अधिकारी सुनिता नेपालले जानकारी दिइन् ।
नेपाल रेडक्रस सोसाइटी स्याङ्जाको सहयोगमा अफिस समयसम्म एम्बुलेन्स जिल्ला प्रशासनमा तयार अवस्थामा रहनेछ भने पुतलीबजार नगरपालिकाले एकजना स्वास्थ्यकर्मी व्यवस्था गर्नेछ र एकजना कर्मचारी रेडक्रसबाट रहनेछन् ।
त्यस्तै, सहायक प्रजिअ दिपक पौडेलले कार्यालय समयसम्म स्वास्थ्य सेवा उपलब्ध गराइनुका साथै प्रशासनमा सेवा लिन आउने कोही बिरामी भएमा प्रारम्भिक औषधि रेडक्रसले व्यवस्था गर्ने बताए ।
सम्बन्धित खबर
सामूहिक आलुखेतीमा जुट्दै स्याङ्जाका किसान
सरकारी अस्पतालको लापरबाही, जाँच गर्न आएका बिरामीलाई म्याद गुज्रिएका औषधि
पर्यटनमन्त्री पाण्डेद्वारा सातौं स्याङ्जा महोत्सवको उद्घाटन
अर्जुनचौपारीमा निर्मित नवग्रह मन्दिरको पर्यटनमन्त्रीद्वारा उद्घाटन
नवग्रह मन्दिर प्राण प्रतिष्ठा तथा अनुष्ठानको तयारी पूरा, पर्यटनमन्त्री पाण्डे आउने
सातौं स्याङ्जा महोत्सवको तयारी पूरा: पर्यटनमन्त्री पाण्डेले उद्घाटन गर्ने
यो पनि पढौँ
पोखरामा जीपको ठक्करबाट आमाको मृत्यु, छोरा गम्भीर घाइते
कुम्भ मेलाबाट फर्किँदै गर्दा नेपाली सवार गाडी दुर्घटना, रुपन्देहीका ३ जनाको मृत्यु
पर्वतमा जीप दुर्घटना हुँदा एक जनाको मृत्यु, चालक गम्भीर
शानदार मःम पसलमा ग्यास विस्फोटः थप एकजनाको मृत्यु, मृतकको संख्या ४ पुग्यो