साविक विजेता इटाली युरो कपबाट बाहिरियो

स्विट्जरल्यान्डसँग २–० ले स्तब्ध

गण्डक न्यूज शनिबार, १५ असार २०८१

गण्डक न्यूज

१५ असार २०८१

साबिक विजेता इटाली युरो कप २०२४ को अन्तिम १६ बाट नै बाहिरिएको छ ।

शनिबार भएको खेलमा इटाली स्विट्जरल्यान्डसँग २–० ले स्तब्ध बनेको हो ।

खेलमा ३७ औँ मिनेटमा रेमो फ्रेउलरले गोल गर्दै स्वीस टोलीलाई अग्रता दिलाएका थिए । दोस्रो हाफको सुरुवातमा नै रुबेन भारगासले गोल गर्दै टोलीको अग्रता दोब्बर बनाए ।

त्यसपछि भने कुनै गोल हुन सकेन । योसँगै इटाली प्रतियोगिताबाट बाहिरिन बाध्य बन्यो । स्विट्जरल्यान्ड भने क्वार्टरफाइनलमा प्रवेश गरेको छ ।