वडा कार्यालय पोखरा -१५ तथा वडा स्तरीय कृषि संजाल -१५ को आयोजनामा दोस्रो संस्करणको असारे महोत्सव अर्थात् धान दिवस सम्पन्न भएको छ।
पोखरा महानगरपालिका – १५ फलेपाटन स्थित करिब ४ रोपनी क्षेत्रफलमा रोपाइँ महोत्सव मनाइएको हो। महोत्सवमा वडावासी आमा समूह, टोल विकास, कृषक लगायत स्थानीयको उल्लेख्य सहभागिता रहेको थियो।
महोत्सवमा आमा समूहबिच रसी तान्ने र धान रोप्ने प्रतियोगिता सञ्चालन गरिएको थियो। विजयी समूहलाई वडाध्यक्ष तोरण बानियाँले नगद पुरस्कार प्रदान गरेका थिए।
यस्तै, कलाकार सिता केसी र नेत्र खड्काको साङ्गीतिक प्रस्तुतिमा सहभागीहरूले प्रशस्त मनोरञ्जन लिए।
महोत्सवकी प्रमुख अतिथि तथा पोखरा महानगरपालिकाकी उपमेयर मंजुदेवी गुरुङले रोपाइँ दिवसको शुभकामना व्यक्त गर्दै पोखरा -१५ ले यस किसिमको महोत्सवको आयोजना गरेर लोक संस्कार संस्कृति र कृषि कर्मको बारेमा पुस्ता हस्तान्तरण गरेको बताइन्। किसानहरूले सिँचाइ, मल, बिउ लगायतका अभावहरूका बिच कृषि पेसालाई निरन्तरता दिइरहेको बताउँदै समस्याहरूको समाधानका लागि महानगरको कृषि शाखा र वडाहरू सधैँ किसानको साथमा रहेको बताइन्। उनले यस वर्ष पनि कृषि एम्बुलेन्स र महानगरमा उत्पादन भएका बालीहरूको न्यूनतम समर्थन मूल्य तोक्ने जस्ता राम्रा कामलाई निरन्तरता दिँदै किसानका पक्षमा अन्य राम्रा कार्यक्रमहरू ल्याइने दाबी गरिन्।
यस्तै, वडाध्यक्ष तोरण बानियाँले कृषकहरूको हौसला बढाउन यस वर्ष पनि रोपाइँ महोत्सवको आयोजना गरिएको बताए। उनले महोत्सवलाई सफल बनाउन सहयोग गर्ने आमा समूह, टोल विकास सबैलाई धन्यवाद दिए।
रोपाई महोत्सव कार्यक्रममा वडाका जनप्रतिनिधि, कर्मचारी, समाजसेवी लगायतको उपस्थिति रहेको थियो।
तस्वीरहरू : मेरो दृष्टि
This will close in 3 seconds
सम्बन्धित खबर
डा. चैतन्य अधिकारीको ‘जुद्ध शमशेरका नाममा’ कविता सङ्ग्रह लोकार्पण
बैंक तथा वित्तीय क्षेत्रको समस्यामा प्रतिफल आउने गरी काम गर्छुः गोकर्ण कार्की
काम गर्न राम्रो टीम चाहिन्छ, त्यो हामीले लिएर आएका छौँः अर्जुन पोखरेल
‘नारामा युवा पटकपटक, नेतृत्वमा युवा यस पटक’ – सौगात थापा
‘मानिया’ इनर्जी ड्रिंक पिउँदा तामाङ्गले जिते ३२ इन्चको एलइडी टिभी
जीवनको मुक्ति साधना, सफलताका लागि कर्म अनिवार्यः प्रदेश प्रमुख भट्ट
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग