पोखरा । गण्डकी प्रदेशस्तरीय महिला टि-२० क्रिकेट प्रतियोगिताको उपाधि स्याङ्जा जितेको छ । पोखरा रंगशालास्थित क्रिकेट मैदानमा सोमबार भएको फाइनल खेलमा कास्कीलाई ४५ रनले पराजित गर्दै स्याङ्जाले उपाधि जितेको हो ।
स्याङ्जाले दिएको १०६ रनको लक्ष्य पछ्याएको कास्की २० ओभरमा ९ विकेट गुमाउँदै ६० रन मात्र बनाउन सक्यो । कास्कीका कुनै पनि खेलाडीले दोहोरो अंकमा रन बनाउन सकेनन् । अतिरिक्त रनको रुपमा १५ रन पायो । बलिङमा स्याङ्जाका आकृती तिवारी, सिमाना केसी र रन्जना साउदले दुईदुई विकेट लिए ।
त्यसअघि पहिला ब्याटिङ गरेको स्याङ्जाले निर्धारित २० ओभरमा ९ विकेट गुमाउँदै १०५ रन बनाएको थियो । स्याङ्जाका कुशुम गोदारले ३१, सिमाना केसीले २४ र ज्योत्सनिका मरासिनीले १४ रन जोडिन् । बलिङमा कास्कीका पूणर्िमा गुरुङ र सुशिला दिम्दुङले दुईदुई विकेट लिए ।
विजेता बनेको स्याङ्जाले नगद एक लाखसहित ट्रफी, मेडल र प्रमाणपत्र प्राप्त गर्यो । उपविजेता बनेको कास्कीले ५० हजारमा चित्त बुझायो । स्याङजाकी कुशुम गोदार सर्वोत्कृष्ट खेलाडी र उत्कृष्ट व्याटर घोषित भइन् । कास्कीकी चन्द्रमाया बराल उत्कृष्ट बलर बनिन् ।
विजेता र उपविजेतालाई गण्डकी प्रदेशका भौतिक पूर्वाधार विकास तथा यातायात व्यवस्था मन्त्री राजीव गुरुङले पुरस्कार हस्तान्तरण गरेका थिए ।
प्रदेश खेलकुद परिषद गण्डकीको आयोजना तथा प्रादेशिक क्रिकेट संघ गण्डकीको व्यवस्थापनमा भएको प्रतियोगितामा ४ जिल्लाले सहभागिता जनाएका थिए ।
सम्बन्धित खबर
तनहुँको विमलनगर खण्ड आजदेखि एक महिना आंशिक बन्द हुने
निसीखोला गाउँपालिका क्षेत्रमा चार दिनदेखि विद्युत वितरण बन्द
गण्डकी प्रदेश प्रमुख भट्ट अस्वस्थ
पड्किएको बेलुन बेच्ने कमलेश हाजिरी जमानीमा रिहा
सरकारी अस्पतालको लापरबाही, जाँच गर्न आएका बिरामीलाई म्याद गुज्रिएका औषधि
घर–घर पुगेर जनता भेट्दै एमाले, कास्कीमा शुक्रबारदेखि अभियानको सुरूवात
यो पनि पढौँ
पोखरामा जीपको ठक्करबाट आमाको मृत्यु, छोरा गम्भीर घाइते
कुम्भ मेलाबाट फर्किँदै गर्दा नेपाली सवार गाडी दुर्घटना, रुपन्देहीका ३ जनाको मृत्यु
पर्वतमा जीप दुर्घटना हुँदा एक जनाको मृत्यु, चालक गम्भीर
शानदार मःम पसलमा ग्यास विस्फोटः थप एकजनाको मृत्यु, मृतकको संख्या ४ पुग्यो