पोखरामा विद्यर्थाीलाई कुटपिट गरेको भन्दै शिक्षकलाई प्हरीले पक्राउ गरेको छ । गत जेठ १३ गते कास्की जिल्ला पोखरा महानगरपालिका वडा नं. ३२ स्थित युनिभर्स ईङ्लिस बोर्डिङ स्कुलमा कक्षा ५ मा अध्ययनरत ९ वर्षका बालकलाई शिक्षक सुदीप अधिकारीले कुटपिट गरेको प्रहरीले जनाएको छ ।

होमवर्क नगरेको र अक्षर नराम्रो भएको भनी बालकको संवेदनशिल भाग (पछाडि) लठ्ठीले प्रहार गरी घाइते बनाएको भन्ने जाहेरीको आधारमा सोही विद्यालयका शिक्षक जिल्ला कास्की रुपा गाउँपालिका वडा नं. ६ खोलाको छेउ बस्ने वर्ष ३२ का सुदिप अधिकारीलाई यस कार्यालयबाट खटिएको प्रहरी टोलीले आइतबार पक्राउ गर्को कास्कीका डीएसपी बसन्त कुमार शर्माले जानकारी दिए ।

उनका अनुसार कास्की जिल्ला अदालतबाट बालबालिका सम्बन्धी ऐन २०७५ को दफा ६६ अन्तर्गतको कसुरमा पाँच दिन म्याद थप गरी अनुसन्धान प्रकृया अगाडि बढाइएको छ ।

उक्त कसूरमा १ वर्ष सम्म कैद र ५० हजार जरिवाना हुने कानूनी व्यवस्था रहेको छ ।