पोखरा । नेकपा एमालेको पोखरा महानगरमा जीवन आचार्य विजयी भएका छन् । उनले २ सय ७७ मत ल्याउँदा दीपक पाैडेलले २ सय १० मत पाएका छन् ।
जीवन प्यानलबाट उपाध्यक्षमा नरेन्द्रनाथ ढुंगाना, सचिवमा सुशील बस्नेत, उपसमितिमा विष्णुप्रसाद गौतम र उपसचिव महिलामा हरिमाया विश्वकर्मा सबै विजयी भए ।
दीपक प्यानलबाट उपाध्यक्षमा मोहन गुरुङ, सचिवमा दिनेशबाबु खड्का, उपसचिव खुलामा लालबहादुर राना र उपसचिव महिलामा किरण गौतम प्रतिष्पर्धामा थिए ।
निर्वाचनमा दुई समूह दुई वटा प्यानल बनाएरै निर्वाचनमा होमिएका थिए । एउटा समूहको नेतृत्व दीपक पौडेलले गरे भने अर्को समूहको नेतृत्व जीवन आचार्यले गरेका हुन् ।
पाैडेल पृथ्वीसुब्बा–जगत विश्वकर्मा र आचार्य खगराजबाट समर्थन प्राप्त उम्मेदवार हुन् ।
स्थायी कमिटी सदस्य खगराज अधिकारी निकट समूहले कास्की जिल्ला क्लीन स्वीप गर्दा पोखरा महानगर पनि जित्न सफल भएको छ । यसअघिको अधिवेशनमा पार्टी उपमहासचिव पृथ्वीसुब्बा गुरुङ समर्थित समूहले महानगर, जिल्ला र प्रदेश सबैमा जितेको थियो । तर, प्रभाव कम हुँदै गएको निर्वाचन परिणामले देखाएको छ।
४ सय ९८ मतदाता रहेकामा ४ सय ८८ मत खसेको निर्वाचन समितले जनाएको छ । महानगरमा हुने १ सय १ पदमध्ये निर्वाचन हुने ८७ मध्ये २२ जना सदस्य निर्विरोध भएका थिए ।
बिहान ८ बजेपछि सुरु भएको मतदान साढे १२ बजेतिर सकिएको थियो । मतदानका लागि २४ वटा विद्युतीय मतदान मेसिन राखिएको थियो ।
सम्बन्धित खबर
पोखराका सडक सफा गर्न महानगरले ल्यायो एउटा ब्रुमर मेसिन
पोखरामा राँगोले हानेर ३७ वर्षीय धनञ्जयको मृत्यु
दशैँ तिहारमा पोखराका होटलमा ३० प्रतिशत छुट
पोखरामा चार पाङ्ग्रे स्कुटरलाई कारले ठक्कर दिँदा एक जना गम्भीर घाइते
युआरएलको अध्यक्षमा पन्थको निरन्तरता
पोखरा बुद्धचोकको द स्केट पार्क आगो लाग्दा पूर्ण नष्ट, लाखौँ क्षति
यो पनि पढौँ
टीकाको अघिल्लो दिन जब छोराको शव आयो …
दुई साताअघिकाे संकटमा सयौँलाई जोगाएका सशस्त्र प्रहरी निरीक्षक बडुवाल आफै अस्ताए
पोखराको हेम्जामा यात्रु चढाइरहेको बसलाई टिप्परले ठक्कर दियो
दशैंमा तनहुँ ससुराली आएका ज्वाईंको मादीले बगाएर मृत्यु