लागूऔषध खैरो हिरोईन मुद्दाका फरार स्याङ्जा वालिङ्का राम भन्ने चोकेन्द्र बहादुर वहिक पक्राउ परेका छन् ।

उच्च अदालत पोखरा, कास्कीले मिति २०७९ चैत ८ गतेको फैसलाले लागूऔषध खैरो हिरोईन मुद्दामा ३ वर्ष ३ महिना ७ दिन कैद र पाँच हजार रुपियाँ जरिवाना तोकेपछी फरार रहेका वहिकलाई पक्राउ गरिएको जिल्ला प्रहरी कार्यालय स्याङ्जाका प्रवक्ता एवं सूचना अधिकारी प्रहरी नायब उपरीक्षक इन्द्रबहादुर रानाले जानकारी दिए ।

स्याङ्जा साविक स्वरेक गा.वि.स. वडा नं. ८ हाल वालिङ् नगरपालिका -११ भोर्ले बस्ने जग बहादुर सार्कीको छोरा २४ वर्षीय वहिक दुई वर्षदेखि फरार रहेका थिए । उनलाई गोप्य सूचनाका आधारमा वडा प्रहरी कार्यालय वालिङ्बाट खटिएको प्रहरी टोलीले पक्राउ गरेको डिएसपी रानाले बताए ।

पक्राउ पश्चात् वहिकलाई कैद भुक्तानका लागि स्याङ्जा अदालतमा लगिएको प्रहरी कार्यालय स्याङ्जाले जनाएको छ ।