तेस्रो खुल्ला पुरुष भलिबल प्रतियोगिता एवं रमाइलो मेला बिहीबारदेखि बयरघारी स्थित भिरकोट खेलमैदानमा शुरु भएको छ ।
बयरघारी पिस युथ क्लबले `समाज र राष्ट्र विकासको लागि युवा एकता, अनुशासन, विकास र गतिशीलता´ भन्ने मुल नारासहित स्याङ्जाको भिरकोट नगरपालिका स्थित बयरघारी खेलमैदानमा आयोजना गरेको रमाइलो मेलाको उद्घाटन नगरप्रमुख गोविन्द कुमार कर्माचार्यले गरेका हुन् ।
मेलाको उद्घाटनपछि कार्यक्रमलाई सम्बोधन गर्दै नगरप्रमुख कर्माचार्यले मेलाको सफलताको लागि सम्पुर्ण भिरकोटबासीले हातेमालो गर्दै लागि पर्नुपर्नेमा जोड दिए । उनले मेला तथा खेल प्रतियोगिता अनुशासित र सभ्य तरिकाले संचालन गर्न आग्रह गर्दै पालिकाले उक्त मेला र खेल प्रतियोगिता सफल बनाउन सक्दो सहयोग गर्ने बताए ।
२५६८ औं बुद्ध जयन्तीको अवसर तथा क्लबको वार्षिकोत्सबको अवसरमा खेलकुद, कला र संस्कृतिको जगेर्ना गर्ने मुख्य उद्देश्यका साथ भिरकोट खेलमैदानमा रमाइलो मेला २०८१ को आयोजना गरिएको क्लबका अध्यक्ष दिल बहादुर मगर(सागर)ले जानकारी दिए ।
उक्त १० दिने रमाइलो मेलामा खुल्ला पुरुष भलिबल प्रतियोगिता, विद्यालय स्तरीय नृत्य प्रतियोगिता, मेलामा राखिएका स्टलहरुबाट दैनिक जिवनमा उपयोग हुने अत्यावश्यक सामाग्रीहरुको किनबेच हुने, हस्तकलाहरु एवं विभिन्न किसिमका व्यापारीक स्टलहरु, रेल, डुङ्गा लगायतका मनोरञ्जनात्मक बालउद्यानका सामाग्री साथसाथै स्थानीय कलाकारसहित ख्यातिप्राप्त राष्ट्रिय कलाकारहरुको बेजोड प्रस्तुतिका साथ विविध सांस्कृतिक कार्यक्रम गरिने क्लबका अध्यक्ष मगरले बताए ।
सम्बन्धित खबर
नवग्रह मन्दिर धार्मिक महोत्सवमा भक्तजनको घुइँचो
सामूहिक आलुखेतीमा जुट्दै स्याङ्जाका किसान
सरकारी अस्पतालको लापरबाही, जाँच गर्न आएका बिरामीलाई म्याद गुज्रिएका औषधि
पर्यटनमन्त्री पाण्डेद्वारा सातौं स्याङ्जा महोत्सवको उद्घाटन
अर्जुनचौपारीमा निर्मित नवग्रह मन्दिरको पर्यटनमन्त्रीद्वारा उद्घाटन
नवग्रह मन्दिर प्राण प्रतिष्ठा तथा अनुष्ठानको तयारी पूरा, पर्यटनमन्त्री पाण्डे आउने
यो पनि पढौँ
पोखरामा जीपको ठक्करबाट आमाको मृत्यु, छोरा गम्भीर घाइते
कुम्भ मेलाबाट फर्किँदै गर्दा नेपाली सवार गाडी दुर्घटना, रुपन्देहीका ३ जनाको मृत्यु
पर्वतमा जीप दुर्घटना हुँदा एक जनाको मृत्यु, चालक गम्भीर
शानदार मःम पसलमा ग्यास विस्फोटः थप एकजनाको मृत्यु, मृतकको संख्या ४ पुग्यो