जोमसोम—नेकपा (एमाले)का उपमहासचिव पृथ्वी सुब्बा गुरुङले एमाले बिना मुलुकको समृद्धि र विकास सम्भव नभएको बताएका छन् ।
नेकपा (एमाले जिल्ला कमिटी मुस्ताङको आठौं जिल्ला अधिवेशनको शनिबार जोमसोममा उद्घाटन गर्दै एमाले उपमहासचिव गुरुङले मुलुकको समृद्धि र विकासलाई गतिशील तुल्याउन एमाले मात्रै राष्ट्रको एक मात्र निर्णायक शक्ति भएको दाबी गरे ।
एमाले उपमहासचिव गुरुङले कांग्रेस सरकार चलाउन नसक्ने पार्टी भएको बताए ।‘कांग्रेस लोकतन्त्रको वकालत मात्र गर्छ, व्यवहार देखाउन सक्दैन, एमाले लोकतान्त्रि अभ्यासमा विश्वाश गर्छ’ उपमहासचिव गुरुङले थपे,‘ एमाले देश र जनताको पक्षमा सोच्छ, तर काग्रेस पार्टी पुँजीपती वर्गको हितमा काम गर्छ, भ्रष्ट र तस्करीको पक्षपोषण गर्छ ।’
उपमहासचिव गुरुङले एमालेको मुस्ताङको ८ जिल्ला अधिवेशनमा कांग्रेससहित माओवादी,रास्वपा र एकिकृत समाजवादी समेतलाई कटाक्ष गर्न भ्याए । उपमहासचिव गुरुङले भने,‘ माओवादी पार्टी बिरालो हो, एमाले पार्टी बाघ हो, बिरालो र बाघ भनेको बाघनै हो । बाघले मात्रै सबै परिस्थितीको सामाना गर्नसक्छ ।’
विगतमा एमाले जस्तो दाई पार्टीलाई लत्याएर माओवादीले कांग्रेससंग कुम जोड्न पुगेको उपमहासचिव गुरुङको भनाई छ । एकिकृत समावादी पार्टीका अध्यक्ष माधव नेपाल प्रधानमन्त्री बन्ने सपना देखेर पार्टी नयाँ पार्टी खोलेको बताए ।‘एमाले र एकिकृत समाजवादी पार्टीको नीति सिद्धान्त,संगठन र कार्यदिशामा फरक छैन, फरक दुई कुरामा मात्र छन् ,त्यो हो अध्यक्षको नाममा पार्टी पछाडिको शब्द ।’
महासचिव गुरुङले नयाँ उदाएको पार्टी रास्वपामा मुलुक बनाउने कुनै भिजन नभएको बताए । यो पार्टी अमेरिकाको नेशनल फ्रिडम पार्टीको लोगो स्थापित गरेर नेपालमा खोलिएको पार्टी भएको टिप्पणी गरे ।
यसैगरी, अधिवेशनलाई सम्वोधन गर्दै नेकपा(एमाले)का पार्टी सचिव गोकर्ण बिष्टले संसदमा दुई पटक प्रधानमन्त्री भइसकेका एमाले अध्यक्ष केपी शर्मा ओली माथि अशिष्ट,अराजनैतिक र अपराधिक ढंगले नेपाली कांग्रेस प्रस्तुत हुन दुर्भाग्यपूर्ण भएको बताए । उनले एमाले लोकतान्त्रिक पद्धति र अभ्यासमा विश्वाश गर्ने पार्टी भएको उल्लेख गरे ।
कांग्रेसलाई असंसदीय हर्कत नदेखाउन अनुरोध गर्दै उनले कांग्रेस लगायत केही दलले सरकारमबाट बहिर्गमन हुनु परेको पीडा संसदमा प्रस्तुत गरेको बताए । कांग्रेसले नोक झोँकमा जनताले पठाएका जनप्रतिनिधिहरुको जनताको आवाजहरुलाई कुण्ठित गर्न खोजेको आरोप लगाए । सचिव बिष्टले यसप्रकारका समस्या रहिरहे संसदमा चुनौती सृजना हुने पनि बताए ।
सचिव बिष्टले देशमा बर्सेनि ७ लाख युवाहरु विदेश पलायन भईरहेको र स्वदेशमा रोजगारीको अवसर सृजना गर्दै विदेश पलायन हुने क्रमलाई न्यूनिकरण गर्न आवश्यक रहेको बताए । देशको समग्र विकास र समृद्धिको खाका कोर्न एमालेले मिसन ८४ लाई आत्मसाथ गर्नपर्नेमा जोड दिए ।
एमाले मुस्ताङको आठौं जिल्ला अधिवेशनलाई केन्द्रिय सदस्य चन्द्रमोहन गौचन, एमाले जिल्ला अध्यक्ष आशबहादुर थकाली ,छेवाङ रिन्जिङ गुरुङ र एमाले जिल्ला उपाध्यक्ष रमेश गुरुङले सम्वोधन गरेका थिए ।
अध्यक्षमा मार्फाका लालचन
नेकपा(एमाले) जिल्ला कमिटी मुस्ताङका अध्यक्षमा मुस्ताङको घरपझोङ गाउँपालिका—२ मार्फाका दिपक लालचन निर्विरोध निर्वाचित भएका छन् ।
अध्यक्ष पदमा लालचनको एकल उम्मेदवारी परेपछि निर्विरोध भएका हुन् । यसअघि एमाले मुस्ताङको अध्यक्ष पदका लागि ३ जनाले आकांक्षा देखाएका थिए । घरपझोङ गापाकी पूर्व उपाध्यक्ष शर्मिला गुरुङ र एमाले सचिव बिनोद बिसी अध्यक्ष पदको आकांक्षी थिए ।
उनीहरुबीच सहमती जुटाउने प्रयास गर्दा बन्द सत्र लम्बिएको थियो । ३० सदस्ययीय पदाधिकारी तथा सदस्यका लागि सर्वसम्मतीको प्रयास भईरहेको छ ।
This will close in 3 seconds
सम्बन्धित खबर
डा. चैतन्य अधिकारीको ‘जुद्ध शमशेरका नाममा’ कविता सङ्ग्रह लोकार्पण
बैंक तथा वित्तीय क्षेत्रको समस्यामा प्रतिफल आउने गरी काम गर्छुः गोकर्ण कार्की
काम गर्न राम्रो टीम चाहिन्छ, त्यो हामीले लिएर आएका छौँः अर्जुन पोखरेल
‘नारामा युवा पटकपटक, नेतृत्वमा युवा यस पटक’ – सौगात थापा
गौथली सामुदायिक विकास केन्द्रको हरितालिका तीज मेला तथा खेलकुद समापन
‘मानिया’ इनर्जी ड्रिंक पिउँदा तामाङ्गले जिते ३२ इन्चको एलइडी टिभी
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग