पाल्पा । पाल्पामा बोलेरो जिप दुर्घटना हुँदा एक जना बालकसहित २ जनाको मृत्यु भएको छ । १३ जना घाइते भएका छन् ।

नवलपुर जिल्लाको अरूणखोलाबाट पाल्पाको निस्दी गाउँपालिका–४ तर्फ आउँदै गरेको लु १ ज ३३२४ नम्बरको जिप बुधबार बेलुका र बेलुका पौने ६ बजेतिर दुर्घटना भएको हो ।

दुर्घटना परी मृत्यु निस्दी गाउँपालिका–४ का ६ वर्षीय राजीव सुनारी र सोही वडाका २० वर्षीय तेजन सोमैको मृत्यु भएको प्रहरीले जनाएको छ। उनीहरुको उपचारका क्रममा गएराति मृत्यु भएको जिल्ला प्रहरी कार्यालय पाल्पाले जनाएको छ ।

प्रहरीका अनुसार दुर्घटना परी घाइते भएका मध्ये ३ जनाको अवस्था गम्भीर रहेको छ । जिपका चालकसहित अन्य १० जनाको अवस्था भने सामान्य छ ।

घाइतेहरुको नवलपरासीको मध्यबिन्दु अस्पतालमा उपचार भइरहेको छ । दुर्घटनामा पर्ने सबै निस्दी ४ का स्थानीय हुन् । जिपमा १५ जना सवार थिए ।

दुर्घटनाको कारण नखुलेको र थप अनुसन्धान भइरहेको प्रहरीले जनाएको छ ।