स्याङ्जाको हरिनास गाउँपालिकाका रिम बहादुर थापालाई जबरजस्ती करणी गरि गर्भवती बनाएको आरोपमा स्याङ्जा प्रहरीले पक्राउ गरेको छ ।

हरिनास गाउँपालिका -३ सिरिन्डाँडाका २१ वर्षीय रिम बहादुर थापाले डर, त्रासमा पारी बालिकालाई पटकपटक करणी गर्दै आएको खुलेको छ ।

परिवर्तित जिल्ला ४० स्थित आफ्नै घरकोठामा १५ वर्षीय परिवर्तित नाम `०८०/०८१ आधिखोला ९८´ लाई अन्तिम पटक गत कार्तिक महिनाको राती अन्दाजी १० बजे करणी गरेका थापालाई पक्राउ गरिएको जिल्ला प्रहरी कार्यालय स्याङ्जाका प्रवक्ता एवं सूचना अधिकारी प्रहरी निरीक्षक पावल सिंह लामाले जानकारी दिए ।

पटकपटक करणी गरि गर्भवती बनाएको हुँदा कानुन बमोजिम गराई पाउँ भन्ने किटानी जाहेरी आएकोले थापालाई पक्राउ गरिएको प्रहरी निरीक्षक लामाले बताए ।

पक्राउ परेका थापालाई जबरजस्ती करणी मुद्दा दर्ता गरि स्याङ्जा अदालतबाट १० दिनको म्याद थप लिई आवश्यक अनुसन्धान अगाडि बढाइएको जिल्ला प्रहरी कार्यालय स्याङ्जाले जनाएको छ ।