पोखराको बिन्दवासिनी पेट्रोल पम्पमा आगलागी, स्कुटर जलेर ध्वस्त

तत्काल नियन्त्रणमा लिँदा ठूलो दुर्घटना टर्‍यो

गण्डक न्यूज आइतबार, २ वैशाख २०८१

तस्वीरः सामाजिक सञ्जाल

गण्डक न्यूज

२ वैशाख २०८१

पोखरा महानगरपालिका वडा नं. २९, भण्डारढिकमा रहेको बिन्दवासिनी आयल स्टोरमा तेल भर्दै गरेको स्कुटरमा अगलागी भएको छ ।

आइतबार दिउँसो करिब ४ बजेतिरको समयमा ग८प ८२१८ नम्बरको स्कुटरमा तेल हालिरहेको समयमा एक्कासी आगलागी भएको हो । कास्कीको रुपा गाउपालिका वडा नं. ६ भिरकोट घर भएका अतिश खड्काको नाममा रहेको उक्त स्कुटरमा आगो लागेको बुझिन्छ ।

स्थानीय बासिन्दा र प्रहरीसमेतले उक्त आगलागी भएको स्कुटरलाई तानेर केही पर लागेका कारण पेट्रोल पम्पमा ठूलो क्षति नभएको प्रहरीले जनाएको छ ।

आगलागीबाट स्कुटर जलेर ध्वस्त भएको छ । तत्काल आगो नियन्त्रणमा लिँदा ठूलो दुर्घटना टर्‍यो । पेट्रोल पम्पमा सामान्य क्षति पुगेको प्रहरीले जानकारी दिएको छ ।