नेकपा एमाले गण्डकी प्रदेश संसदीय दलका नेता खगराज अधिकारी मुख्यमन्त्री नियुक्त भएपछि नेपाली कांग्रेसले सर्वोच्च अदालत जाने तयारी गरेको छ ।
गठबन्धनले गरेको दाबी पेस असंवैधानिक भएको भन्दै कांग्रेस सर्वोच्च जान लागेको कांग्रेस संसदीय दलमा प्रमुख सचेतक नन्दप्रसाद न्यौपानेले जानकारी दिए ।
गण्डकीमा एमाले संसदीय दलका नेता खगराज अधिकारीले आइतबार एमाले, माओवादी र राजीव गुरुङ ९दीपक मनाङ० को समर्थनमा प्रदेश प्रमुख डिल्लीराज भट्टसमक्ष दाबी पेस गरेका थिए ।
त्यसपछि प्रदेश प्रमुखले खगराजलाई संविधानको धारा १६८ को उपधारा २ बमोजिम मुख्यमन्त्री नियुक्त गरेका थिए । त्यसपछि कांग्रेसले विरोध जनाउँदै सर्वोच्च जाने तयारी गरेका हो ।
अधिकारीको नियुक्ति गैरसंवैधानिक हुने नेपाली कांग्रेस संसदीय दलको ठहर छ ।
निवर्तमान मुख्यमन्त्री तथा कांग्रेस संसदीय दलका नेता पाण्डे आजै सर्वोच्च अदालत पुगेर अधिकारीको नियुक्ति विरुद्ध रिट हाल्ने तयारीमा छन् । त्यसका लागि उनी मुख्यमन्त्री निवासबाट पोखरा विमानस्थल पुगेका छन् ।
यसअघि अधिकारीले आजै मुख्यमन्त्रीमा दाबी प्रस्तुत गरेका थिए । त्यसपछि नियुक्ति रोक्न प्रदेश प्रमुखसँग पाण्डेले भेट तय गरेका थिए । तर, भेटघाट अघि नै अधिकारी मुख्यमन्त्री नियुक्त भए । काँग्रेसले असहमति पत्र दर्ता गरेको पनि नियुक्त भइसकेपछि हो ।
भेट रद्द गरी पाण्डेले आफ्नै सरकारी निवासमा कानुन व्यवसायीसँग परामर्श गरे । सोही परामर्शपछि उनी काठमाडौं उड्दै छन् ।
This will close in 4 seconds
सम्बन्धित खबर
कास्कीको मादीमा नागीधार महोत्सव सुरु
फोनिज कास्कीको अध्यक्षमा बिनु थापा मगर
पोखरामा पुराना सवारीसाधनले लाइसेन्स ट्रायल दिनुपर्दा धेरै असफल भएपछि नयाँ व्यवस्था
अध्यादेशको विरोध गर्दै कास्कीका ३५ स्थायी शिक्षकले दिए सामूहिक राजीनामा
डा. निकोलस भुसाललाई ५० हजार धरौटीमा छाड्न कास्की अदालतको आदेश
कास्की हिरासतमा रविको तस्वीर खिच्ने निकोलस भुसाल फेरि पक्राउ
यो पनि पढौँ
स्याङ्जाका निरजलाई आठौं पटक ठेलोको उपाधि
कथा सकिने डरले चलचित्र निर्देशक बनेका गायक प्रकाश सपूत
देवघाटमा माघे सङ्क्रान्ति मेला सुरु
पर्वतको कुश्मामा कपास उद्योगमा आगलागी